影片
更多
2023-04-01
36 瀏覽
平時講Fine dining通常都指西式，最近搵到一間韓式Fine dining，感覺幾新鮮，就過黎試下❤️今次係試9-course Tasting Menu，仲有優惠價添($1480)😋‣ 紫蘇油炸及三次風乾的釜山海苔及濟洲海藻第一次食海藻，酥酥脆脆都幾特別😆‣ 韓國左口魚刺身、72小時醬油大蝦及醬油吞拿魚三款刺身都幾新鮮，大蝦幾滑身彈牙，左口魚同吞拿魚都厚實；同平時日式刺身唔同既地方係呢到係點韓式辣醬同麵豉醬，呢個配搭都幾新鮮👍🏻‣ 韓國當造特色蔬菜、韓牛、新鮮蜆肉、及自家大米15小時以上烹調傳統粥呢碗粥味道好豐富，飲得岀真係煲左好耐好入味，推薦🙌🏻‣ 章魚片、韓國橡子果凍 配炸豆腐鱈魚籽三文治章魚片幾彈牙新鮮，果凍底下既汁偏酸；反而三文治幾驚喜，係豆腐中間夾住泡菜，呢個配搭好新鮮😋‣ 韓式參雞湯燴飯人參味比較淡，對於麻麻人參味既朋友都易入口既；反而飯既質地好特別，做到risotto個種煙韌感覺，都唔錯👍🏻‣ 海鮮清湯配烤釜山飽魚呢個湯好好味😋表面唔知點整到咁多泡泡，令賣相望落唔錯👍🏻飲落去清清地既海鮮味，配埋鮑魚又係好滿足😚‣ 36小時慢煮濟州黑毛豬五花幾香煙燻味，食落肉味好香濃，
‣ 紫蘇油炸及三次風乾的釜山海苔及濟洲海藻
第一次食海藻，酥酥脆脆都幾特別😆
‣ 韓國左口魚刺身、72小時醬油大蝦及醬油吞拿魚
三款刺身都幾新鮮，大蝦幾滑身彈牙，左口魚同吞拿魚都厚實；同平時日式刺身唔同既地方係呢到係點韓式辣醬同麵豉醬，呢個配搭都幾新鮮👍🏻
‣ 韓國當造特色蔬菜、韓牛、新鮮蜆肉、及自家大米15小時以上烹調傳統粥
呢碗粥味道好豐富，飲得岀真係煲左好耐好入味，推薦🙌🏻
‣ 章魚片、韓國橡子果凍 配炸豆腐鱈魚籽三文治
章魚片幾彈牙新鮮，果凍底下既汁偏酸；反而三文治幾驚喜，係豆腐中間夾住泡菜，呢個配搭好新鮮😋
‣ 韓式參雞湯燴飯
人參味比較淡，對於麻麻人參味既朋友都易入口既；反而飯既質地好特別，做到risotto個種煙韌感覺，都唔錯👍🏻
‣ 海鮮清湯配烤釜山飽魚
呢個湯好好味😋表面唔知點整到咁多泡泡，令賣相望落唔錯👍🏻飲落去清清地既海鮮味，配埋鮑魚又係好滿足😚
‣ 36小時慢煮濟州黑毛豬五花
幾香煙燻味，食落肉味好香濃，口感唔錯，配埋特製韓式醬汁，味道都唔錯😚
‣ 烤釜山鰻魚
賣相幾精緻，鰻魚燒得幾好，魚皮香脆，魚肉嫩滑多汁，味道唔錯🥰
‣ 釜山自家農田珍珠米飯配48小時鰻魚湯加五種時令特色釜山伴菜
上菜幾特別，珍珠米飯幾有驚喜，用左店主位於釜山嘅農場種植嘅珍珠米，食落好香好軟糯，配埋幾款特色拌菜同埋鰻魚湯，成個搭配好正
‣ 糯米年糕窩夫餅配自製雪糕
窩夫入面有糯米年糕都係第一次試，口感外脆內軟糯，自家製雪糕口感幾滑，味道唔錯
💭 C͟o͟n͟c͟l͟u͟s͟i͟o͟n͟
餐廳位於銅鑼灣維園隔離一棟新開既大廈，可以居高臨下欣賞夜景；餐廳氣氛唔錯，又安靜，食物質素都唔錯 約埋三五知己一邊享用美食一邊聊天，感覺很舒適❤️
💰Total: $3256 ($1628/pp 已包括10%服務費)
📍OOULI｜@oouli_
銅鑼灣糖街31號 sugar plus 23 樓
🚩更多同類餐廳 #foodstep_韓國菜
🚩更多同區餐廳 #foodstep_銅鑼灣
📣Like & Share & Follow @ourfoodstephk_
🙏🏻多謝你既支持，成為我努力分享既動力💪🏻
張貼
