sensory ZERO (禮頓中心) (已結業)

話說約左好耐無見嘅朋友，係銅鑼灣行街，行左幾間一係無位一係唔食得。不知不覺行到嚟利舞台正門呢邊，被我發現左呢間sensory ，唔駛諗，一定係呢間（我黎幫襯個陣未知新開）。鋪頭唔算大，樓底唔高，不過你會喜歡佢雲石嘅裝飾，黑白feel嘅。鋪頭用嘅係自家製嘅米，老闆亦都係一位咖啡品質鑑定師。有daily rice and pasta，都幾吸引，又唔駛揀。Daily pasta，92元，龍蝦汁鮮蝦意粉，蝦夠爽夠大粒，意粉煮得剛剛好，汁亦配得好好，好鮮味。Daily rice，98元，豚肉煮燉蘿蔔飯，飯係幾香，粒粒分明，蘿蔔亦夠哂入味，豚算係唔係肉，配上似燒汁，好味。無肉食素意粉，92元，朋友話唔錯，幾掛汁，幾香口，料都算豐富。呢個係我地都好期待，肉鬆芝士牛角包，58元，肉鬆係面好正，成個上枱大家都馬上味蕾開動。朋友話好食，咁就正啦。無錯，又係佢，肥威，45元，唔算係我top 3之選。蘋果muffin，35元，唔錯，幾鬆軟。見到餐廳另一邊隔開左一個空間，稍為問左店員，原來係之後會搞咖啡班，同埋會成為唯一一個受認可咖啡師牌嘅考試場地（如知情者，請話我知）。