影片
更多
2024-02-29
33 瀏覽
之前都有嚟過呢邊食，有次行過見呢排轉左第二間餐廳。第一下其實係比佢個甜品Menu吸引，好多款式而且仲好靚，加上其他菜式好似都唔錯所以就上嚟試一試。———————————————🌟巴馬火腿凱撒沙律 $88生菜好鮮甜，醬汁唔會落得太多，火腿份量都算多，特別值得一提係佢上面有啲細細粒嘅Bacon碎，咸香咸香之餘又脆脆地。🌟吉列豬扒蛋包飯 $148我本人其實真係唔好豬扒，呢個係男朋友堅持叫，但真心連我都覺得好好食。吉列豬扒個吉列炸得超香脆，蛋包飯上面嘅蛋熟成度控制得好好，飯本身係已經用茄汁炒過都好香，上面仲有炸蒜做配料。除此以外餐廳仲特別安排左個調味料可以任添，包括有炸蔥、大根、椰絲同提子乾，可以根據個人口味選擇。🌟壽喜燒牛肉烏冬 $118牛肉質素唔錯，嫩得嚟牛肉都重。壽喜燒基本材料都有齊，包括金菇、京蔥、冬菇、雞蛋，烏冬夠煙韌，湯底方面甜度調味都適中。🌟草莓物語芭菲 $116呢個芭菲真心好食又好睇，中間有牛奶軟雪糕然後側邊就有唔少Custard Cream，除咗士多啤梨外個底仲有少少脆脆。Custard Cream真心好好味，好綿滑仲有濃濃嘅香草味。另外佢仲有附上酸酸甜甜嘅草莓醬可以根據個
之前都有嚟過呢邊食，有次行過見呢排轉左第二間餐廳。第一下其實係比佢個甜品Menu吸引，好多款式而且仲好靚，加上其他菜式好似都唔錯所以就上嚟試一試。
———————————————
🌟巴馬火腿凱撒沙律 $88
生菜好鮮甜，醬汁唔會落得太多，火腿份量都算多，特別值得一提係佢上面有啲細細粒嘅Bacon碎，咸香咸香之餘又脆脆地。
🌟吉列豬扒蛋包飯 $148
我本人其實真係唔好豬扒，呢個係男朋友堅持叫，但真心連我都覺得好好食。吉列豬扒個吉列炸得超香脆，蛋包飯上面嘅蛋熟成度控制得好好，飯本身係已經用茄汁炒過都好香，上面仲有炸蒜做配料。除此以外餐廳仲特別安排左個調味料可以任添，包括有炸蔥、大根、椰絲同提子乾，可以根據個人口味選擇。
🌟壽喜燒牛肉烏冬 $118
牛肉質素唔錯，嫩得嚟牛肉都重。壽喜燒基本材料都有齊，包括金菇、京蔥、冬菇、雞蛋，烏冬夠煙韌，湯底方面甜度調味都適中。
🌟草莓物語芭菲 $116
呢個芭菲真心好食又好睇，中間有牛奶軟雪糕然後側邊就有唔少Custard Cream，除咗士多啤梨外個底仲有少少脆脆。Custard Cream真心好好味，好綿滑仲有濃濃嘅香草味。另外佢仲有附上酸酸甜甜嘅草莓醬可以根據個人喜好加落去，味道都相當唔錯！
🌟冰拿鐵咖啡 (跟甜品加$28)
咖啡比例唔錯，價錢跟甜品set都幾抵！
🔸整體評價🔸
整體食物都好食，我應該會為咗佢個甜品menu再回頭😆
張貼
