影片
更多
2023-08-04
195 瀏覽
今次同朋友係附近玩完運動就帶咗我去呢邊嘅大排檔食飯，本身去到唔係好抱有期望，因為覺得好似好舊好偏咁，但點知食完真係覺得好唔錯，同一個星期即幫襯埋第二次😂———————————————🌟六記招牌雞煲(半隻) $142雞煲最正嘅地方就係個汁，味道濃郁，咸同甜嘅比例都恰到好處，最重要係個辣度都非常滿意，食得好過癮。雞肉本身都非常嫩滑，基本上一舊厚皮嘅都見唔到。雞煲另外仲會配一兜生菜，如果大家有興趣打邊爐都可以繼續加配料。.🌟潮洲蠔仔粥 $108呢個蠔仔粥一上就嚇親，比想像中份量多好多，差唔多係有5－7碗嘅份量。最重要嘅係入面有大量蠔，粒粒都肥美，粥底加上鹽、胡椒、芫荽等味道係滿滿嘅鮮味。.🌟椒鹽鮮魷 $118份量滿意，同埋佢個炸皮係又薄又香脆，熱辣辣放入口真係無得頂！魷魚本身亦都好新鮮好彈牙，鍾意嘅仲可以點醬汁食又係另一番滋味。.🌟剁椒蒸魚雲 $118呢個蒸魚雲味道唔錯，有陣好香嘅辣椒油味，應該係由極高溫嘅油再炒辣椒同蒜蓉而成，個汁直頭可以打包返去撈麵食。魚雲本身亦都好正，滑得嚟仲有豐富嘅膠質，唯一可惜係魚雲可以食嘅部份比較少，所以好大部份都係食佢個味多過肉。.🌟鐵板啫啫通菜 $98鐵板完全
今次同朋友係附近玩完運動就帶咗我去呢邊嘅大排檔食飯，本身去到唔係好抱有期望，因為覺得好似好舊好偏咁，但點知食完真係覺得好唔錯，同一個星期即幫襯埋第二次😂
———————————————
🌟六記招牌雞煲(半隻) $142
雞煲最正嘅地方就係個汁，味道濃郁，咸同甜嘅比例都恰到好處，最重要係個辣度都非常滿意，食得好過癮。雞肉本身都非常嫩滑，基本上一舊厚皮嘅都見唔到。雞煲另外仲會配一兜生菜，如果大家有興趣打邊爐都可以繼續加配料。
.
🌟潮洲蠔仔粥 $108
呢個蠔仔粥一上就嚇親，比想像中份量多好多，差唔多係有5－7碗嘅份量。最重要嘅係入面有大量蠔，粒粒都肥美，粥底加上鹽、胡椒、芫荽等味道係滿滿嘅鮮味。
.
🌟椒鹽鮮魷 $118
份量滿意，同埋佢個炸皮係又薄又香脆，熱辣辣放入口真係無得頂！魷魚本身亦都好新鮮好彈牙，鍾意嘅仲可以點醬汁食又係另一番滋味。
.
🌟剁椒蒸魚雲 $118
呢個蒸魚雲味道唔錯，有陣好香嘅辣椒油味，應該係由極高溫嘅油再炒辣椒同蒜蓉而成，個汁直頭可以打包返去撈麵食。魚雲本身亦都好正，滑得嚟仲有豐富嘅膠質，唯一可惜係魚雲可以食嘅部份比較少，所以好大部份都係食佢個味多過肉。
.
🌟鐵板啫啫通菜 $98
鐵板完全係夠曬熱，係超夠火喉嘅通菜，而且份量超多，除左通菜外大家仲可以選擇其他蔬菜，冇記錯果度有接近十種選擇。不過建議大家一定要記得撈一撈先，唔係到底個味道就會比較咸。
.
🔸整體評價🔸
冇諗過細細間店可以炒到咁出色嘅味道，如果大家有機會去青衣／青衣體育館果邊都非常推薦呢間大排檔🥰
張貼
