阿來客棧雞煲火鍋 (已結業)

渣甸街多好野食相信大家都知道🤣 今次小編就嚟同大家推薦一間好食嘅雞煲！就係位於渣甸中心25樓嘅阿來客棧雞煲火鍋～ 店內環境都寬敞唔會逼 如果隔離枱有人 店員仲會幫你拉個簾落嚟 私隱度++👍🏻🌟 馳名重慶辣雞煲($168)首先，味道方面試咗「馳名重慶辣雞煲」，兩個人揀咗半隻雞，份量十分充足。雞肉入味且肉質鮮嫩多汁，令人食到停唔到😂，十分推薦俾鍾意食辣嘅大家🤣🌟 特級手切肥牛 ($268)食完雞煲之後可以加湯變邊爐！小編同朋友就試下特級手切肥牛。肥牛肉質感鮮嫩，入口即化，食落好有牛味，肉質帶有絲絲油花，更增添咗肥牛口感。🌟 手打鮮蝦丸 ($56)除咗肥牛之外，手打鮮蝦丸都十分推薦。一份有四粒~ 鮮蝦丸由新鮮嘅蝦肉手工製作而成，彈牙有嚼勁👍🏻