影片
更多
2023-07-11
35 瀏覽
提到韓燒，一定要提韓國過江龍嘅喜來稀肉，喺尖沙咀、銅鑼灣、旺角都有分店。旺角瓊華分店裝橫以藍色為主調，走韓式古樸家庭風，以寬敞闊落嘅卡位為主，環境舒適，無論係家庭或者係朋友聚會都非常合適。喜來烤肉韓燒嘅食物質素都好高，供應多款肉類部位，包括大熱嘅牛五花、護心肉、真雪花牛肉等。店內仲設有自助沙律吧，每日有多達六款韓式小菜供應、包括泡菜、生菜、醃青瓜、芽菜、蒜片、醃蘿蔔片及多款韓式醬料選擇，全部都係自助無限添加，另外仲有爐邊蛋提供，有原味、芝士味選擇，雞蛋嫩滑，蛋香十足。牛五花牛嘅胸腹肉，呢個部位油脂飽滿，油筋較多，燒烤過後散發出濃郁嘅香氣，令人食指大動。牛五花肉質柔軟，牛味濃郁，兩面輕輕一燒就可以，配合爽口嘅生菜、微辣嘅泡菜、香蒜片同埋韓式醬料一齊食，開胃惹味，生菜色澤翠綠好新鮮，夾埋牛肉嚟食清爽唔會油膩，係正宗嘅韓國味道。護心肉護心肉係豬既珍貴部位，亦係韓式烤肉必點嘅一道肉類，經燒烤後肉味濃郁，口感豐厚，用生菜包住再加埋韓式辣醬嚟食，好美味。人蔘雞湯上台後保持住滾燙，冒煙熱辣辣，裹面有成隻雞嘅份量，雞肉肉質軟腍，有入口即溶嘅感覺，可以加鹽去自行調節口味。人蔘雞湯底好清徹，用咗原條人蔘去
提到韓燒，一定要提韓國過江龍嘅喜來稀肉，喺尖沙咀、銅鑼灣、旺角都有分店。旺角瓊華分店裝橫以藍色為主調，走韓式古樸家庭風，以寬敞闊落嘅卡位為主，環境舒適，無論係家庭或者係朋友聚會都非常合適。喜來烤肉韓燒嘅食物質素都好高，供應多款肉類部位，包括大熱嘅牛五花、護心肉、真雪花牛肉等。店內仲設有自助沙律吧，每日有多達六款韓式小菜供應、包括泡菜、生菜、醃青瓜、芽菜、蒜片、醃蘿蔔片及多款韓式醬料選擇，全部都係自助無限添加，另外仲有爐邊蛋提供，有原味、芝士味選擇，雞蛋嫩滑，蛋香十足。
牛五花
牛嘅胸腹肉，呢個部位油脂飽滿，油筋較多，燒烤過後散發出濃郁嘅香氣，令人食指大動。牛五花肉質柔軟，牛味濃郁，兩面輕輕一燒就可以，配合爽口嘅生菜、微辣嘅泡菜、香蒜片同埋韓式醬料一齊食，開胃惹味，生菜色澤翠綠好新鮮，夾埋牛肉嚟食清爽唔會油膩，係正宗嘅韓國味道。
護心肉
護心肉係豬既珍貴部位，亦係韓式烤肉必點嘅一道肉類，經燒烤後肉味濃郁，口感豐厚，用生菜包住再加埋韓式辣醬嚟食，好美味。
人蔘雞湯
上台後保持住滾燙，冒煙熱辣辣，裹面有成隻雞嘅份量，雞肉肉質軟腍，有入口即溶嘅感覺，可以加鹽去自行調節口味。人蔘雞湯底好清徹，用咗原條人蔘去熬製，另外仲有糯米同埋紅棗，真材實料，啖啖都係濃郁人蔘味，好鮮美，好順口。
石鍋拌飯
拌飯材料豐富，份量十足，將牛肉、雞蛋、紫菜飯素、蘿蔔絲、芽菜、菇片同埋韓式辣醬撈勻一齊食，好惹味可口，食到石鍋底部仲有飯焦，好香脆。
張貼
