影片
更多
2011-09-26
7 瀏覽
男友網上見d人話宮崎唔錯，所以上星期五放工走左去試。原本book左6:45pm，但早到左，6:25pm入座。坐低已經有盤拼盤同兩杯汽水等緊我地，盤上有海螺（爽甜新鮮）、肉（唔好食 ）、牛肉（幾好）及雞翼（冇下次）。另外新開張送兩隻大虎蝦（大概8-9吋長，爽口）。時間關係（限時兩個鐘）我地一路燒一路點其他野食，選擇算多，order紙將食物分成幾類：有黑豚肉類、地雞／羊架類、卷物類、和牛類、野菜類、炸物類、壽司類、海鮮類、刺身類、飯／麵類，及沙律類，數過共有74種食物任君選擇。我地兩個鐘意食牛，所以第一時間叫左澳洲一口牛助肉（唔錯）、美國極上沙朗心（極正好味）、醬油帶骨牛小排（咬唔開）、黑椒牛舌根肉（一流好咬口）、辛味牛肋肉（唔會有下次）及青檸蒜味牛舌根肉（唔錯）。再order左印度洋海蝦（唔新鮮）、太平洋海螺（爽甜）、紐西蘭青口（普通）、魷魚鬚（爽口彈牙）及多春魚（多春好味）。雞中翼（再試都係唔掂）、雞肉（普通），豚肉（嚡）等，樣樣叫左少少。另外，試左蕃茄沙律（幾清新）、豆腐沙律（還可以）、北寄貝（幾新鮮）、甜心栗米（超甜好食）、鮑魚天婦羅（麻麻地）、辣味噌煮牛舌（其實係蘿蔔煮牛舌渣
坐低已經有盤拼盤同兩杯汽水等緊我地，盤上有海螺（爽甜新鮮）、肉（唔好食 ）、牛肉（幾好）及雞翼（冇下次）。另外新開張送兩隻大虎蝦（大概8-9吋長，爽口）。
時間關係（限時兩個鐘）我地一路燒一路點其他野食，選擇算多，order紙將食物分成幾類：有黑豚肉類、地雞／羊架類、卷物類、和牛類、野菜類、炸物類、壽司類、海鮮類、刺身類、飯／麵類，及沙律類，數過共有74種食物任君選擇。我地兩個鐘意食牛，所以第一時間叫左澳洲一口牛助肉（唔錯）、美國極上沙朗心（極正好味）、醬油帶骨牛小排（咬唔開）、黑椒牛舌根肉（一流好咬口）、辛味牛肋肉（唔會有下次）及青檸蒜味牛舌根肉（唔錯）。
再order左印度洋海蝦（唔新鮮）、太平洋海螺（爽甜）、紐西蘭青口（普通）、魷魚鬚（爽口彈牙）及多春魚（多春好味）。
雞中翼（再試都係唔掂）、雞肉（普通），豚肉（嚡）等，樣樣叫左少少。
另外，試左蕃茄沙律（幾清新）、豆腐沙律（還可以）、北寄貝（幾新鮮）、甜心栗米（超甜好食）、鮑魚天婦羅（麻麻地）、辣味噌煮牛舌（其實係蘿蔔煮牛舌渣，冇味勁難食）等。
見好多網友話呢度d服務好差，我地兩個就特別留意一下，但見d服務員跟單同送食物都好有禮貌，心唸：「都唔係咁差啫。」食到7:55pm，有位男侍應走過黎放低兩杯雪糕就行開左，幾分鐘後另一位女侍應走過黎，話我地重有10分鐘，我地呆一呆 ，但都快快趣食埋d野唔想浪費。點知8:10pm佢再行過黎話我地剩返半分鐘，叫我地快d食完走！我男友火都黎，同佢講我地係6:25pm入座，應該8:25pm先夠鐘。佢話出面好多人等緊，但係你出面多人唔代表要cut我地時間架！佢就好氣悔氣咁話：「是但你地啦！」嗰一刻我終於明白點解網友們會話佢地服務差﹒﹒﹒
總括，食物選擇多，某幾款食物味道不錯，例如：沙朗心、黑椒牛舌。漏單情況少，但服務態度真是有待改善。
張貼
