味．覺．遊記

營業中

休息中

假期無得去旅行，繼續周圍去行下，今次去左要轉車嘅馬灣。星期五無人，空氣好似特別清新咁，終於有啲風，著褸都唔會話熱。搵左呢間小店食，好似曾幾何時好耐之前都食，不過太耐都唔肯定。午餐餐牌就已經決定左食咩，都好易揀到。有室外或室內位置揀，呢度好在係出面可以安排坐位，但仲係好寬落，反而顯得室內逼啲。菠菜。菇。班尼迪蛋，75元，上面個醬唔錯，蛋係流心，茹炒得香，呢個好食。墨西哥辣豆醬夾餅，配豬肉，78元。係真係幾辣，但開胃，份量都算大，如果夾餅再煎香啲會更好。辣肉腸芝士蛋餅，78元，都幾有口感，可能我個人麻麻地，同埋以為蛋餅係類似台式個種，錯哂，味道係唔錯嘅。