Puzzle Dining & Cafe (已結業)

馬鞍山呢間隠世Cafe位於新港城中心5期地下，主打各式各樣嘅咖啡，同有各國咖啡豆賣，環境舒適闊落，佈置有用心，咖啡控想喺馬鞍山享受一個寧靜下午，呢度絕對啱晒。香煎腸粉配台式肉燥及煎蛋呢個係港台嘅Fusion 下午茶小食，用上香港嘅腸粉配搭台式肉燥，感覺好特別，台式肉燥大粒入味，另外配埋太陽蛋流出嚟嘅汁食好正。法式焦糖馬德蓮蛋糕配意大利雪糕馬德蓮蛋糕，外層硬硬地，撕開裏面係一個口感鬆軟嘅蛋糕，食落仲散發住濃濃嘅奶香味。熱炭燒咖啡一上枱已經聞到咖啡香味醇厚，飲落去有回甘嘅感覺，甘得黎帶少少苦味，另外易入口唔會酸。Ice Americano Americano味道甘醇，加了冰塊苦味較溫和，覺得Espresso太濃烈嘅朋友可以試味道較淡Americano。