和牛燒肉‧純 (已搬遷) 新店位置

去過日本食和牛既你，相信你絕對會明白個種好食到返唔到轉頭既感覺😂之前都有係香港食過和牛，水準有高有低。最高質都算今次了！ 去到年尾一於豪少少奬勵下自己！😀餐廳裝潢偏暗，帶種傳統日本料理和燒肉店既感覺。座位大部份都為卡位，坐得舒適。店面座位有限，建議光臨前訂座會較好。牆壁上貼滿了不同和牛的宣傳海報和介紹。餐牌上有多種不同種類既肉類，全部都好吸引。如果樣樣都想試，可以揀盛合。咁就樣樣都試到。係超高水準既燒肉啊！壼漬牛排 $280話明壼漬，壼入面既甜醬油味一打開就好香。仲有少少洋蔥同青椒。唔好睇個壼咁細，原來摺左三大片牛排係入面。壼漬過的肉質非常入味，脂肪不多，較為瘦身，不用另外調味都好足夠。由於醬汁較多，店員建議最後才燒這款，可避免烤焦爐上的鐵片。特上日本產和牛肉眼 $550和牛肉眼的脂肪比例及紋理分布均勻，呈雲石紋理。 肉質嫩滑，油脂豐潤 ，入口即溶，基本上不太用咀嚼！味道濃郁，加少少檸檬汁上去就可以中和返油脂既邪惡感。特選日本產和牛牛排肉 $320牛排肉係口感最嫩既肉之一，用黎燒肉簡直一流。肉質細嫩，每邊燒上三十秒至一分鐘剛好。先試一口唔點醬油，肉味已經好重。