金發車仔麵

營業中

休息中

【黃大仙區】【金發燒烤車仔麵】之前講到夜媽媽有啲肚餓就同朋友去咗牛池灣食宵夜，當時係去咗「隨便坐車仔麵燒烤」，都 okay，係等得耐咗少少。今次就同道歉哥去咗另一間食，呢間其實喺正大路嘅路口位，位置上甚至係方便過上次嗰間嘅。今次道歉哥話想食麵，咁呢間嘢有麵供應當然冇問題。佢之前喺大陸憑住一碗麵成功追到一個女仔，絕對係食麵界 KOL。而今次我都有陪佢食嘅，睇吓會唔會可以喺同佢食麵嘅過程中學到一招半式，唔使好似我呢啲單身咁慘。我就叫咗個 $24 嘅「自選公仔麵」，可以揀三個餸，阿姐都係喺現場即場執畀我。我要咗煎蛋、煙肉同埋炸魚餅，味道正正常常，好似屋企自己整咁。麵底我加 $3 要咗福麵，佢係上湯伊麵嗰隻福麵，想食嘅話就要留意吓。嘢飲方面，道歉哥飲罐裝可樂，我就飲枝裝嘅「五花茶」，聽阿姐講係佢哋自己煲嘅，咁巴閉就整枝嚟飲吓，味道正常，唔差。隊多 $200 串燒，任揀，有十幾串，都幾快有，味道都正常，對得住個價錢，不過夾埋幾錢就忘了。之後再叫多咗次外賣串燒，喺佢同附近嗰間之間揀佢，主要係因為佢哋燒得夠快，等咗冇一陣就已經有。不過我被阿姐敬告叫我夾嘢要戴好個口罩，我鼎我就係見佢燒嘢都拉低口罩我先