影片
更多
2024-10-29
780 瀏覽
位於中環都爹利街嘅呢間高級西餐廳，以拉丁文「Lux」命名，中文即係「光」嘅意思。餐廳喻意將意法菜嘅傳統味道發光發亮，查實我覺得更有延續街上媒氣路燈醉人情懷嘅意思。呢度由曾為五星酒店餐廳嘅廚師主理，主打精緻意法料理；店內裝修古典優雅，處處浸透住濃濃嘅浪漫氣氛，所以好啱跟情人知己嚟慶祝食飯。今次佢哋為慶祝開業2週年，特別喺 OpenRice 推出多項週年慶優惠，最吸引阿叔莫過於晚市全單8折，即係最低可以以 $662 嘆到4道菜，真心好吸引！🍴4-course Tasting Menu ($662)全個餐4道菜式，包沙律或湯、意粉、主菜同甜品，除沙律或湯外，每款都有2至3款選擇，跟朋友每人叫一款開心 share 就最好不過喇！🦞Lobster Bisque, Lobster Ravioli 加上白蘭地同豆油嘅龍蝦湯，口感香滑濃稠，味道濃郁，配上一小粒以龍蝦肉做成嘅意大利雲吞，更添飽感，好有誠意，絕對係阿叔嘅真心推介！🧀Spaghetti, 24 Months Parmesan Cheese, Black truffle 店內嘅招牌菜式之一！用上24個月嘅巴馬臣芝士煮出嚟嘅意粉，唔單止好香芝士
呢度由曾為五星酒店餐廳嘅廚師主理，主打精緻意法料理；店內裝修古典優雅，處處浸透住濃濃嘅浪漫氣氛，所以好啱跟情人知己嚟慶祝食飯。
今次佢哋為慶祝開業2週年，特別喺 OpenRice 推出多項週年慶優惠，最吸引阿叔莫過於晚市全單8折，即係最低可以以 $662 嘆到4道菜，真心好吸引！
🍴4-course Tasting Menu ($662)
全個餐4道菜式，包沙律或湯、意粉、主菜同甜品，除沙律或湯外，每款都有2至3款選擇，跟朋友每人叫一款開心 share 就最好不過喇！
🦞Lobster Bisque, Lobster Ravioli
加上白蘭地同豆油嘅龍蝦湯，口感香滑濃稠，味道濃郁，配上一小粒以龍蝦肉做成嘅意大利雲吞，更添飽感，好有誠意，絕對係阿叔嘅真心推介！
🧀Spaghetti, 24 Months Parmesan Cheese, Black truffle
店內嘅招牌菜式之一！用上24個月嘅巴馬臣芝士煮出嚟嘅意粉，唔單止好香芝士，口感亦好creamy，即使加上大量原片黑松露都唔會蓋過。
🦆Strozzapreti, Braised Duck Ragout, Wild Mushrooms, Baby Spinach
另一味道較濃味嘅意粉，用上口感彈牙嘅短捲麵，再加上野菇、鴨肉，豐富口感，夠晒惹味。
🥩USDA Ribeye, Shallots Jus
煎至三成熟嘅美國肉眼，肉質幼嫩之餘，肉味濃郁又多汁，細細地兩件都已經好足夠。
🐟Miso Toothfish, Baby Fennel, Horseradish Cream
食完意粉，其實阿叔都飽咗7成，如果怕太膩，建議可食呢道以味噌調味嘅魚柳，配上特製醬汁，感覺無咁heavy。
🍧Dessert
甜品可揀芝士拼盤或者呢款賣相咁靚嘅甜品，佢以青提子跟青檸啫喱作底，配埋用上白朱古力同接骨木花製成嘅忌廉，酸酸地嘅味道，好refreshing！
👨🏾阿叔食後感：自己都有好一段時間無食 fine dining (可能平時多數揀食日本菜先)，論呢度嘅食物質素、餐廳環境，再加埋員工貼心嘅服務，能夠以 8折食到佢哋 4道菜式，我又真心覺得幾抵食，認真都好飽添！👍🏽👍🏽👍🏽
張貼
