杏香園 (已結業)

喺街上同男友就去唔去按摩呢個認真話題拉拉扯扯咗起碼15分鐘之後，最後決定去按，點知人地一句full booking就完咗⋯冇咩事，我都係食返個暖笠笠糖水算🤣💕✍🏻 / 蓮子白果雪耳（熱）💵價錢：HK$42▪️美味：❤️❤️❤❤❤一眼望曬啲食材，十分豐富！本來有白果或杏仁揀，咁就揀咗白果，但最後佢都溝埋咗杏仁係同一碗嘅～成碗好滿足，食落好舒服，甜度剛好，同埋熱到出煙，凍冰冰天氣食好爽☺️🔥✍🏻 / 芝麻糊（熱）💵價錢：HK$29▪️美味：❤️❤️❤️🤍🤍芝麻糊有啲似係溝咗粉沖出嚟，而且叫咗熱，但冇熱到出煙，感覺似比室溫熱小小咋～不過以咁嘅價錢嚟講，份量都好足，幾大碗，不過不失🌗💫✍🏻 / 朱古力香蕉班戟💵價錢：HK$25▪️美味：❤️❤️❤️🤍🤍本來以為會係泰國街邊果種，不過原來係我諗多咗⋯ 嚟到見到係2舊野有啲失望。不過食落又真係唔會難食嘅～因為佢始終真係一條香蕉，再包層朱古力味嘅班戟，同加啲忌廉🤣✨💬派心心時間💵埋單價錢：HK$96/2人▪️美味：❤️❤️❤❤🤍▪️抵食：❤️❤️❤🤍🤍▪️服務：❤️❤️❤❤🤍▪️環境：❤️❤️❤❤🤍