Glasshouse (太古城中心)

營業中

休息中

行街唔知食咩好，發現哩間未試過。餐廳裝修幾靚，天花板好多花草裝飾，打卡影相都幾好📸👑椰香青咖喱青口 $168前菜唔知揀咩好就上吓個青口啦，結果有驚喜，平時食青口多數都係白酒忌廉，今次青咖喱又幾特別，椰汁味好濃郁，咖喱好香，加上有少少辣就更惹味👍🏻 多士脆卜卜，配埋咖喱汁好味道😋✨黑松露鵝肝牛肉炒河粉 $178乾炒牛河食得多，加咗鵝肝即刻感覺好高級😂 仲有埋黑松露升級不少🤭 估唔到黑松露配埋一齊咁夾，食到黑松露嘅香味又有河粉嘅鑊氣，鵝肝煎得好靚，外皮香脆內裡嫩滑😍 牛肉肉味香濃但有少少韌。✨龍蝦湯 $88龍蝦湯配忌廉當然係perfect match，飲落香滑，味道濃而不過鹹。✨炒芥蘭苗 $88芥蘭唔算係苗，好彩唔老😆 蝦醬味道好香好濃，不過鹹咗啲😅🔍整體感覺：環境都幾乾淨企理，衛生都唔錯。食物質素同味道都唔錯，只係有少少美中不足。價錢的確唔算好平，性價比唔算太高，但都係值得一試嘅。