影片
更多
2022-12-24
709 瀏覽
門口已經十分有派頭，一道簡約嘅木門已經令人感受到濃厚嘅日本風情，一入去就感受到餐廳嘅高雅嘅氣氛。 餐廳主要以吧枱為主，可以一路望住師傅整野食嘅過程，一路同師傅閒聊幾句，佢哋好好解答我哋嘅疑問(⁎⁍̴̛ᴗ⁍̴̛⁎) 另外餐廳都設有廂房，如果多人聚會可以包廂，更有氣氛同私隱。餐廳環境整體感簡潔，黑色嘅牆身又帶出一啲高級嘅感覺，令客人好放鬆地享用一餐盛宴😋餐廳分左午市同晚市，有三個唔同嘅set，以餐廳名為名：「赤」、「本」、「山」， 價錢由$980-$1380 ，唔同價錢唔同享受！==============================「本」𝐬𝐞𝐭 💰1180〖 先付 〗即第一道菜，開胃菜嘅意思，特點係份量少，但種類多樣化，調味會較輕盈同清新。✦ 金平牛蒡漬 | 🜸 3.6/5牛蒡加埋紅蘿蔔絲好爽口，而且甜甜地，仲混入芝麻同麻油，充滿日式風味，好香口。✦ 水果蕃茄 | 🜸 3.8/5食落都幾有驚喜，成粒放落口咬落去，鮮甜多汁。先甜後酸，蕃茄味都濃而不酸，夠晒開胃。✦ 雞松茸 | 🜸 3.2/5唔好睇佢平平無奇咁，其實好多營養價值！ 而且十分爽口，肉汁都豐富，菌味香濃。✦ 黑椒紫蘇鵪鶉蛋 | 🜸
門口已經十分有派頭，一道簡約嘅木門已經令人感受到濃厚嘅日本風情，一入去就感受到餐廳嘅高雅嘅氣氛。 餐廳主要以吧枱為主，可以一路望住師傅整野食嘅過程，一路同師傅閒聊幾句，佢哋好好解答我哋嘅疑問(⁎⁍̴̛ᴗ⁍̴̛⁎) 另外餐廳都設有廂房，如果多人聚會可以包廂，更有氣氛同私隱。餐廳環境整體感簡潔，黑色嘅牆身又帶出一啲高級嘅感覺，令客人好放鬆地享用一餐盛宴😋
餐廳分左午市同晚市，有三個唔同嘅set，以餐廳名為名：「赤」、「本」、「山」， 價錢由$980-$1380 ，唔同價錢唔同享受！==============================
「本」𝐬𝐞𝐭 💰1180
〖 先付 〗
即第一道菜，開胃菜嘅意思，特點係份量少，但種類多樣化，調味會較輕盈同清新。
✦ 金平牛蒡漬 | 🜸 3.6/5
牛蒡加埋紅蘿蔔絲好爽口，而且甜甜地，仲混入芝麻同麻油，充滿日式風味，好香口。
✦ 水果蕃茄 | 🜸 3.8/5
食落都幾有驚喜，成粒放落口咬落去，鮮甜多汁。先甜後酸，蕃茄味都濃而不酸，夠晒開胃。
✦ 雞松茸 | 🜸 3.2/5
唔好睇佢平平無奇咁，其實好多營養價值！ 而且十分爽口，肉汁都豐富，菌味香濃。
✦ 黑椒紫蘇鵪鶉蛋 | 🜸 3.9/5
鵪鶉蛋紮實有口感，細細粒啱晒做前菜過下口癮，面層加左黑椒同紫蘇，食落香口仲有少少辣，幾刺激。
✦ 龍珠果 | 🜸 3.8/5
味道酸甜清香，口感好似爆珠一樣，十分多汁，好得意！
先付
9 瀏覽
0 讚好
0 留言
〖 刺身三品 〗
✦ 鮫鰈魚 | 🜸 4.1/5
來自北海道，彈牙充滿嚼勁，經過火炙後散發更多油香、更香口，特別之處在於用左竹炭鹽同酸汁作調味，帶出更多鮮味！
✦ 香箱蟹 | 🜸 4.7/5
香箱蟹即係第一次產卵嘅細蟹仔，蟹子會特別鮮甜(⁎⁍̴̛ᴗ⁍̴̛⁎)當中仲有一絲絲蟹肉，師傅仲加左啲蟹膏攪均，食落更有蟹味，似足大閘蟹。
✦ 慢煮三爪魚 | 🜸 3.6/5
用左祕制醬汁同酒作調味，因注重口感，唔會翻煮。口感似韓式年糕，軟糯少少，所以好煙韌，耐嚼度好高😋仲加左少少橙皮，多陣鮮味。
刺身
8 瀏覽
0 讚好
0 留言
〖 寿し七貫〗
✦ 真鯛| 🜸 3.5/5
白裏透紅，晶營剔透，好肥美、多油「脂，魚脂魚肉均匀，入口質感緊實帶膠質。
✦ 帆立貝| 🜸 4.2/5
好大隻好厚身，用左青檸汁作調味，啖啖肉，好爽口，好鮮甜😚
✦ 深海池魚| 🜸 3.6/5
池魚好肥美，味道甘甜，好新鮮💦 口感則偏結實，食落會有少少爽彈，而且會有少少油脂香
✦ 半生熟銀鱈魚| 🜸 3.6/5
上碟之前經過火炙，逼出更多油脂， 口感更加肥美。而且加左祕製醬汁，甜甜的味道👍
✦ 中拖羅| 🜸 3.7/5
脂肪比例高，充滿油脂，入口隨即化開，十分甘香。
✦ 吞拿魚醬油漬| 🜸 4.1/5
特別加入左芝麻同紫蘇葉作調味，紫蘇葉味十分突出，中和了咸味同肥膩嘅感覺。醬油漬味道好入味，吞拿魚入口即融，好幸福🥰
寿し七貫
9 瀏覽
0 讚好
0 留言
〖 卷物 〗
✦ 北海道赤海膽| 🜸 4.3/5
望到肥美嘅海膽，已經忍唔住流晒口水。
依隻赤海膽比較鮮甜，味道濃郁，入口即融，係個口到浪下浪下， 真心好好食😋
北海道赤海膽
7 瀏覽
0 讚好
0 留言
✦ 洋蔥拖羅手卷| 🜸 3.8/5
比起拖羅壽司，依一款多少少咸味，食落每啖都好入味， 師傅將拖羅切做細細粒，所以入口之後拖羅好快就會融化開。佢哋加左洋蔥，令口感變得更爽口，更有層次👏
7 瀏覽
0 讚好
0 留言
〖 御料理 〗
✦ 白鰻| 🜸 4.1/5
師傅好細心地事先拔左骨。白鰻燒得好香脆，咬落真係嗦嗦聲，魚肉厚身得來仍然保持到嫩滑嘅口感！用左日本醬油同黑椒調味，入口先係甜甜地，後勁再嚟啲黑椒味，味道好夾😋
✦ 燒太刀魚| 🜸 3.8/5
用左蒜頭同豉油烹調，食落蒜香味會比較突出，師傅特別加左青檸汁係面，除咗更加吊出太刀魚嘅香味外，亦能減低油膩嘅感覺
魚肉比較實身，會更有口感🥳
御料理
11 瀏覽
0 讚好
0 留言
〖 吸い物 〗
✦ 立魚湯| 🜸 3.8/5
天氣咁凍，飲依碗奶白色暖笠笠嘅湯就一流！
立魚味香濃，仲有啲魚肉，十分足料👍
師傅仲特登加左啲蟹殼落去一齊熬，味道好鮮甜。
立魚湯
5 瀏覽
0 讚好
0 留言
〖 甜品🍈 〗
✦ 熊本赤肉蜜瓜| 🜸 4.5/5
依個高級蜜瓜真係名副其實嘅甜品！真係巨甜🤤 而且果肉嘅口感控制得好好，進食嘅時機良好，保持到入口即融嘅口感，又唔會太熟太淋！
熊本赤肉蜜瓜
7 瀏覽
0 讚好
0 留言
————————————————————————————
評分🌟(10分最高💯)
價錢💰: 7.5/10
味道👅: 8/10
環境🌱: 8/10
回頭❣️: 7.5/10
服務👀: 8.5/10
人均消費: $1200
想睇多啲好西就記住☟
꧁Follow @hknous.foodie꧂
🔍 店舖資料
🇯🇵 赤本山
📍 將軍澳至善街3號澳南海岸SAVANNAH Place地下G07A號舖
🦶🏻 港鐵將軍澳站A2出口，步行約7分鐘
⏰ 𝐌𝐨𝐧-𝐒𝐮𝐧: 𝟏𝟐:𝟎𝟎-𝟏𝟓:𝟑𝟎, 𝟏𝟖:𝟎𝟎-𝟐𝟐:𝟎𝟎
☎️ 𝟐𝟖𝟏𝟒 𝟖𝟖𝟖𝟏
🔍 想搵同類型嘅餐廳𓂀✍
⌫ #eatwithnous_將軍澳
⌫ #eatwithnous_omakase
#foodie #hkfoodie #hkfood #instafood #omakase #hkgirl #hkdaily #photography #hongkong #sushimi #japan #先付 #美食 #相機食先 #刺身 #吃貨 #打卡 #手機食先 #將軍澳美食 #壽司 #小店
張貼
