鮨盛 (已結業)

另外餐廳都有一個包廂嘅，都適合一班人嚟食㗎！今次晚市就主要有兩個套餐，一個係💰1280，一個係💰1680，而家餐廳仲做緊優惠，如果揀1680嘅套餐可以選擇第二位半價，又或者無限追加拖羅(◐‿◑)今次同師傅傾計，知道佢喺鑽研菜色上面落足心機，因為香港人同日本人嘅口味唔同，比較怕魚腥，所以都用咗唔同方法去醃製或為食材調味，務求客人食得開心！

11 瀏覽

==============================

〖蟹肉寒天配竹蝦、酸骨啫喱🦐 〗 | 🜸 3.5/5
以凍結嘅方法鎖住蟹肉香氣，做法新穎。滑溜嘅寒天上面係竹蝦，夾埋擺放頂層爽口又Q彈嘅酸骨啫喱一齊食，酸味絕對大大提升咗蝦嘅鮮味，口感豐富。

〖鮟鱇魚肝🐟 〗 | 🜸 3.8/5
此為1680套餐所包含嘅菜色，魚肝對香港人嚟講係會比較Heavy，師傅用咗柚子皮同wasabi作襯托，味道更清甜，魚肝仲入口即溶添，一啲都唔腥～

〖火炙竹筴魚🐠 〗 | 🜸 3.4/5
師傅將竹筴魚將表皮切成條紋再作火炙，帶點火燒嘅香氣，仲增強左油香同咸香。肉質扎實有咬口、有彈性，再加上蘿蔔蓉、wasabi同九段蔥令濃重的野生風味變得緩和，製造多變而有趣嘅口感。

〖沙甸魚卷物🐟 〗 | 🜸 3.8/5
沙甸魚卷入面包含黃蘿蔔、大蔥、薑芽同紫蘇葉，眾多嘅配料減低沙甸魚嘅腥味，質感結實，魚肉好肥美，油甘滿瀉，鮮美爽甜，層次好豐富。

〖北海道鱈魚白子☁️ 〗 | 🜸 3.7/5
我一直都唔太接受到白子，一諗到佢係精巢就覺得好核突(>﹏<) 聽講白子可以養顏，所以決定試吓！今次師傅用咗火炙嘅方法處理，令口感細膩且外脆內軟，再加上柚子皮嘅酸香引出咗鮮味，食落清新鮮香。

2 瀏覽

〖剝皮魚刺身🐟 〗 | 🜸 3.6/5
剝皮魚，又叫沙鯭，因為食用嘅時候一定要剝皮，所以就叫咗剝皮魚(⁎⁍̴̛ᴗ⁍̴̛⁎)肉質比較爽彈，帶點韌性，味道清甜，一般係會連佢個肝嚟一齊食嘅，而師傅搞搞新意思，用香蔥伴剝皮魚刺身，再擺咗啲飯喺底，令味道更豐富。

〖海膽蟹肉茶碗蒸🦀 〗 | 🜸 3.2/5
茶碗蒸嘅蛋非常嫩滑，有好多蟹肉絲，仲有冬菇同好爽口日本魚蛋，好足料，帶有鮮味。不過將海膽放喺茶碗蒸上面就唔太試到海膽嘅鮮味，如果分開食就好啦！

〖天麩羅🍤 〗 | 🜸 3.6/5
呢份天麩羅一共有四件，有青椒仔、蕃薯、茄子同松葉蟹，松葉蟹肉質比較煙韌，最推薦係蕃薯，係巨巨巨巨巨甜，可沾上海鹽或者天婦羅汁，試吓唔同口味。

〖漬物🥢 〗 | 🜸 3.5/5
漬物有牛蒡、蒜頭同淮山，特別推薦淮山，用左味噌醃製，味道清新爽脆，酸酸甜甜。
蒜頭用咗味噌柴魚醃漬，冇咗蒜頭刺鼻嘅味道，但仲保留少少辣味。牛蒡用咗醬油醃漬，食落會有牛蒡嘅酸味，同醬油嘅甜味融合埋一齊。全部醃得相當入味，用作開胃小菜一流。

2 瀏覽

〖醋麵豉螢光魷魚🦑 〗 | 🜸 3.8/5
個set係唔包呢款，係師傅係另外請我地食。魷魚肉質肥美鮮味，外層帶啲爽脆感，加埋醋麵豉會帶點酸咸香，係一流嘅佐酒小食！

〖寿司九貫🍣 〗

✦石立 | 🜸 3.9/5
師傅落咗梅醬同紫蘇花，味道酸酸甜甜好開胃，紫蘇花嘅香氣蓋過左魚腥味，質感偏柔韌、結實。

✦深海池魚 | 🜸 4.1/5
肉質鮮嫩肥美，脂厚油香，入口魚油甘香細膩。

✦新鮮帶子 | 🜸 3.9/5
新鮮帶子好厚肉，味道非常鮮甜，仲好有彈性。

✦赤貝 | 🜸 3.9/5
赤貝肉質好厚，啲紋都好靚！師傅打一下佢仲會有少少反射嘅郁動，食落好爽口，落埋青檸汁，感覺好fresh！

6 瀏覽

✦手釣池魚 | 🜸 4.0/5
深海池魚同手釣池魚嘅分別就係手釣池魚嘅油份比較均勻，食落個肉質都係更有彈性同爽滑，師傅落咗蔥，亦都提升左鮮味

✦金目鯛 | 🜸 3.9/5
金目鯛食落油脂含量適中，肉質有啲細膩、冧冧地，師傅落埋烏魚籽粉，令金目鯛更有海味。

✦富山白蝦 | 🜸 4.2/5
富山白蝦好肥美，入口即溶，再喺上面加咗櫻花蝦同少少明太子，好香好脆口！

✦中拖羅 | 🜸 4.0/5
中拖羅嘅肉質就好似半肥瘦叉燒嘅概念，魚油脂同脂肪比例啱啱好，帶有甘香！

✦大拖羅 | 🜸 4.2/5
大拖羅食落脂肪感滿滿，一望就見到全部都係雪花，味道好濃郁。

1 瀏覽

✦海膽 | 🜸 4.0/5
呢個海膽食落好甘甜，帶有海水咸香味，質感非常細膩！

✦鯖魚卷 | 🜸 4.3/5
鯖魚醃得非常好，一啲腥味都冇，加上少少紫蘇葉帶起咗鯖魚嘅鮮味，可以好好享受到鯖魚嘅肥美。

2 瀏覽

〖吸物🥣 〗 | 🜸 3.6/5
今次嘅湯款係蜆湯，用杯形狀嘅器皿裝住，方便客人飲用，擺喺底嘅蜆好足料，所以令到個湯更加鮮甜(o^^o)

〖甘味🍈 〗 | 🜸 3.6/5
甜品就係蜜瓜同埋士多啤梨，兩款水果都好甜好多汁，最尾嘅一道菜都唔會令大家失望(⁎⁍̴̛ᴗ⁍̴̛⁎)