影片
更多
2022-05-04
3684 瀏覽
『穩打穩扎傳統中菜廳，同長輩食飯必備』今年真係轉死性，開始鍾意食翻中餐😹第一間試嘅就係九龍香格里拉的香宮。位於酒店地下一層要行幾級樓梯，老人家有機會唔方便👵🏻不見天日所以冇景可以睇😅唯獨是裝修雅緻坐得亦幾舒服，整體環境係熱鬧但不嘈吵，相比起之前食龍景軒，呢度就更為輕鬆一點。餐牌有tasting menu、點心menu、主餐牌選擇，我地兩個人都食唔到太多嘢，做左功課揀幾道招牌菜📖成餐飯飽足度啱啱好，除左泡飯感覺比較普通之外，其他嘅菜式我地都非常滿意，就連前菜送的琥珀核桃都正合我心🤍本身以為叉燒同蟹蓋已經夠出色，點知份炸子雞一出場就成為MVP，時隔多日都仲念念不忘🐥推介 🥢手吊淋油炸子雞 🥢極品蜜汁叉燒皇 🥢黃金炸釀鮮蟹蓋 🥢鮑魚海味灌湯餃 🥢龍蝦湯脆米海鮮泡飯 ————————————————————◎ 手吊淋油炸子雞 (去骨半隻)(HKD338) | 5/5雞皮極致的薄脆，即使慢慢食都唔會變䏰。雞肉嫩滑多汁，選擇左去骨後更能肆無忌憚地咬落去👅香脆又滿足，原諒我詞窮唔識形容我地有幾鍾意呢一道餸◎ 極品蜜汁叉燒皇(HKD298) | 4/5叉燒厚切，肥瘦相間口感非常鬆化🐷味道係偏甜
『穩打穩扎傳統中菜廳，同長輩食飯必備』
今年真係轉死性，開始鍾意食翻中餐😹第一間試嘅就係九龍香格里拉的香宮。位於酒店地下一層要行幾級樓梯，老人家有機會唔方便👵🏻不見天日所以冇景可以睇😅唯獨是裝修雅緻坐得亦幾舒服，整體環境係熱鬧但不嘈吵，相比起之前食龍景軒，呢度就更為輕鬆一點。
餐牌有tasting menu、點心menu、主餐牌選擇，我地兩個人都食唔到太多嘢，做左功課揀幾道招牌菜📖成餐飯飽足度啱啱好，除左泡飯感覺比較普通之外，其他嘅菜式我地都非常滿意，就連前菜送的琥珀核桃都正合我心🤍本身以為叉燒同蟹蓋已經夠出色，點知份炸子雞一出場就成為MVP，時隔多日都仲念念不忘🐥
推介 🥢手吊淋油炸子雞 🥢極品蜜汁叉燒皇 🥢黃金炸釀鮮蟹蓋 🥢鮑魚海味灌湯餃 🥢龍蝦湯脆米海鮮泡飯
————————————————————
◎ 手吊淋油炸子雞 (去骨半隻)(HKD338) | 5/5
雞皮極致的薄脆，即使慢慢食都唔會變䏰。雞肉嫩滑多汁，選擇左去骨後更能肆無忌憚地咬落去👅香脆又滿足，原諒我詞窮唔識形容我地有幾鍾意呢一道餸
◎ 極品蜜汁叉燒皇(HKD298) | 4/5
叉燒厚切，肥瘦相間口感非常鬆化🐷味道係偏甜的派別，唯一可惜係無甚燶邊，食落會唔夠過癮
◎ 黃金炸釀鮮蟹蓋(HKD238) | 4.5/5
蟹蓋表面酥脆皮薄，一梳梳蟹肉輕易被鏟起🦀我最鍾意佢洋蔥絲比例唔高，食落濕潤又唔會太creamy，可以食到蟹肉原有的鮮味🤤嫌味淡仲可以加幾滴醋添，不過可能食左叉燒先，再食蟹蓋反而略嫌鹹味淡左少少，下次應該調轉順序
◎ 鮑魚海味灌湯餃(HKD158) | 4/5
唔捨得點鮑參翅肚的折中方法——灌湯餃頂住先🙊餃子皮好滑溜，包住鮑魚、蝦仁等等，漲卜卜要分幾啖先食晒，最後的湯頭都濃得嚟好甜，入面嘅花膠仲好厚身，細細碗食完都滿足
◎ 龍蝦湯脆米海鮮泡飯 (半例)(HKD164) | 3.5/5
經理見我地嗌左唔少嘢食，落呢道泡飯嘅時候好貼心問我地會唔會考慮要細份🤵🏻♂️聽到呢句梗係話好啦！最後就淨係一人一碗泡飯，配料有脆米同油條，食落其實龍蝦味唔會話好重🦞係冇咩記憶正常發揮嘅一碗泡飯，不過呢個價錢又可以接受
————————————————————
♣️ 香宮
☌ 尖沙咀麼地道64號九龍香格里拉大酒店地庫1層
◔12nm-2:30pm; 6-10pm
回頭率：🌕🌕🌕🌕🌗
環境：🌕🌕🌕🌗🌑
份量: 🌕🌕🌕🌕🌑
味道：🌕🌕🌕🌕🌗
價錢：HKD876p.p(incl. 10% service charge)
張貼
