影片
更多
2022-12-18
5549 瀏覽
Happy Friday 緊係要飲返兩杯 chill 下，今次去到尖沙咀嘅一間Jazz Bar。餐廳外面嘅裝修就已經好外國Feel，入到去嘅格局令我更似置身於國外，好多木製傢俱～當然唔少得有Band台！💡 Nachos $88Nachos 永遠都係送酒小食最佳之選，焗到芝士融晒落脆片，再點Sour Cream 同 墨西哥莎莎醬就正到傻🤤 又脆又惹味。份量上略嫌少咗啲，味道分搭夠啦~💡 Chili Burger $135基本配置一塊牛同芝士洋蔥之外，仲有令佢叫Chili Burge嘅辣椒肉碎，成個burger即刻好有風味！只係......食落個陣啲肉碎可能唔夠醬令佢地痴實，一咬就山泥傾瀉，食到好狼狽🙁💡 Bondi Barbecue $248賣相有啲突變做兒童餐，配菜嚟講有啲dry。主角牛扒就肉質唔錯，幾有牛味，5成熟剛剛好，合格嘅都叫。💡 Ginger Mojito $68呢度都幾多唔同 flavor 嘅mojito，我本身飲酒就好鍾意揀薑味，清新得嚟比起檸檬同青檸，又有啲辣口，整體都算不過不失嘅，薑控嘅我覺得可以再濃味啲。除咗杯Mojito，都仲有點返杯tequila、Moscow
💡 Nachos $88
Nachos 永遠都係送酒小食最佳之選，焗到芝士融晒落脆片，再點Sour Cream 同 墨西哥莎莎醬就正到傻🤤 又脆又惹味。份量上略嫌少咗啲，味道分搭夠啦~
💡 Chili Burger $135
基本配置一塊牛同芝士洋蔥之外，仲有令佢叫Chili Burge嘅辣椒肉碎，成個burger即刻好有風味！只係......食落個陣啲肉碎可能唔夠醬令佢地痴實，一咬就山泥傾瀉，食到好狼狽🙁
💡 Bondi Barbecue $248
賣相有啲突變做兒童餐，配菜嚟講有啲dry。主角牛扒就肉質唔錯，幾有牛味，5成熟剛剛好，合格嘅都叫。
💡 Ginger Mojito $68
呢度都幾多唔同 flavor 嘅mojito，我本身飲酒就好鍾意揀薑味，清新得嚟比起檸檬同青檸，又有啲辣口，整體都算不過不失嘅，薑控嘅我覺得可以再濃味啲。
除咗杯Mojito，都仲有點返杯tequila、Moscow Mule、Margarita同啤酒，味道正正常常就唔特別提了。臨近聖誕，今晚嘅歌單都係聖誕feel，輕快又歡愉，合奏定solo都好正！😍冇既定嘅樂譜，全程都係即興。全個酒吧都一齊互動，表演完都會拍手支持隊band，成件事都幾正㗎～🙈但我偶爾都幾想聽返首chill 啲jazz music，唯有下次再去啦。
另外要提嘅係，全場真係太迫了，入面係好多張長枱，大家就唯有share枱啦，變咗坐成7個人，想睇band 表演，視線都穿過唔少人先望到，呢一點係有少少唔盡興。
張貼
