影片
更多
2024-11-26
717 瀏覽
等到頸都長，終於迎嚟食大閘蟹嘅季節喇！🙌🏽🙌🏽🙌🏽自問每年呢個月，買返屋企自己拆蟹又好、出街食中式大閘蟹宴都好，阿叔都會約朋友勁食，不過就從未食過西式大閘蟹宴。今次呢間半山西餐廳破格地中西合壁，以大閘蟹入饌，特別推出5道菜嘅大閘蟹宴，再聯乘本地草本酒品牌 @magnolialab.hk 五味雜陳 幫你飯前開開胃、飯後暖胃驅寒。🦀Hairy Crab Special Menu ($798) 🥃Oriental Botanical Cocktail - Magnolia Tonic🥩Hanging Tender Beef Carpaccio Roll晚宴甫開始，即以一杯清新又帶點草本味道嘅 cocktail 同大家開開胃，接住頭盤就以生牛肉包住蘆筍，中間加埋大閘蟹醬示人，只要一啖放入口，即時感受到層次豐富嘅味道。🥚Hairy Crab Roe Steam Egg White 🍝Hairy Crab Roe Tagliolini接住就係全個餐阿叔最鍾意嘅蟹黃瑤柱姬菇蒸蛋同大閘蟹粉義大利麵，前者蒸蛋中加入蟹黃醬、乾貝同姬菇，口感嫩滑，食到濃濃嘅蟹黃味，加碗白飯就啱晒；後者喺餐廳自家製嘅手工義大
自問每年呢個月，買返屋企自己拆蟹又好、出街食中式大閘蟹宴都好，阿叔都會約朋友勁食，不過就從未食過西式大閘蟹宴。今次呢間半山西餐廳破格地中西合壁，以大閘蟹入饌，特別推出5道菜嘅大閘蟹宴，再聯乘本地草本酒品牌 @magnolialab.hk 五味雜陳 幫你飯前開開胃、飯後暖胃驅寒。
🦀Hairy Crab Special Menu ($798)
🥃Oriental Botanical Cocktail - Magnolia Tonic
🥩Hanging Tender Beef Carpaccio Roll
晚宴甫開始，即以一杯清新又帶點草本味道嘅 cocktail 同大家開開胃，接住頭盤就以生牛肉包住蘆筍，中間加埋大閘蟹醬示人，只要一啖放入口，即時感受到層次豐富嘅味道。
🥚Hairy Crab Roe Steam Egg White
🍝Hairy Crab Roe Tagliolini
接住就係全個餐阿叔最鍾意嘅蟹黃瑤柱姬菇蒸蛋同大閘蟹粉義大利麵，前者蒸蛋中加入蟹黃醬、乾貝同姬菇，口感嫩滑，食到濃濃嘅蟹黃味，加碗白飯就啱晒；後者喺餐廳自家製嘅手工義大利麵上加上同樣味道濃郁嘅蟹粉醬，意粉夠彈牙、有咬口，如果有更加多醬就好喇！
🐟Pan-Seared Red Seabream Fillet
🐖Iberico Pork Loin
主菜方面，可揀鯛魚或者豬柳肉。鯛魚煎到外脆內軟，豬柳就肉質夠嫩。為保留原有魚同豬肉嘅鮮味，雖然同樣地兩款菜式都加上大閘蟹醬調味，不過蟹醬嘅味道比起蒸蛋同意粉就淡番少少，
🍨Sweet Potato & Ginger Soup Jelly
🥃Oriental Botanical Digestif - Roselle
有別於一般中式蟹宴以薑茶結尾，今次餐廳特別以薑汁蕃薯糖水整成嘅啫喱，配埋蕃薯麻糬同雲呢拿雪糕代替，再飲埋杯以洛神花、紅棗、當歸等成份釀造而成嘅Roselle幫你驅寒暖胃。建議將少少酒加入甜品撈埋一齊食，味道會更出色，大家一定要試！
張貼
