和平飯店 (V Walk) (已結業)

【 抵食上海菜 】我地真係好鍾意去大角咀V Walk的和平飯店食上海菜，經濟實惠之選！今次有6個人去食，分左兩張枱，店員幫我哋安排兩張枱係最接近的，而且可以坐窗口位，一大排落地玻璃窗令餐廳環境好光猛，光線充足，人都精神d！假日無左套餐優惠，不過散叫一樣好抵食，我哋叫左小籠包，雞絲粉皮，生煎牛肉餅，雪菜蝦仁炒飯，蔥油開洋拌麵，排骨湯麵，砂鍋醃篤鮮。會員食夠$400或以上可以免費送一碟糖醋魚，原先以為送的會係幾塊的魚柳，點知係一整條魚，勁抵呀！糖醋魚酸酸甜甜令人好開胃，外層脆魚肉滑，好正！生煎牛肉餅的牛肉餡料好多，煎得夠香口，推薦！排骨湯麵的酥炸排骨又係必叫之一，另外雪菜蝦仁炒飯夠大碟，飯香夠乾身。