饗和民 (東薈城) (已結業)

【 抵食滿足2人套餐 】 係附近行完街，選了饗和民KYO Watami作晚餐。佢地的饗-滿足2人套餐真係好抵食，好多選擇，而且可以揀好多，一次過可以滿足咩都想食的食慾！我地點的套餐食物有：壽喜燒鍋，清酒煮蜆，鯉魚牛油果卷，雨滴餅，日本產魷魚燒，精選刺身盛合，半份凱撒沙律。餐飲點了巨蜂提子梳打和熱柚子蜜。牛肉壽喜燒鍋，牛肉味濃郁，配料都好多，有豆腐，雜菇，京蔥同紹菜甜甜地既壽喜燒湯底好惹味，我們原本打算加個烏冬，但唸起仲有甜品，就放棄了。 清酒煮蜆幾清香。鯉魚牛油果卷我地都好鍾意食，份量都幾多件。日本產魷魚燒，燒得剛剛好，唔會鞋。精選刺身盛合，刺身都幾新鮮。半份凱撒沙律不過不失，但我覺得配紅黃椒有點奇怪，紅黃椒的味道太突然，遮晒沙律的味道。綠茶小蛋糕，唔太甜，幾好味。餐飲熱柚子蜜味道較啖，但巨蜂提子梳打就超級好飲，唔太甜，值得一試。這個饗-滿足2人套餐整體都唔錯，2個人都食得好飽。