Greyhound Café (ELEMENTS圓方) (已結業)

【#泰鐘意食】我好鐘意食泰菜架，平時去Greyhound 多數食午餐或者晚餐，今次黎就食lunch buffet, 無聽錯喔原來佢地有lunch buffet 架！記得第一次食 Greyhound 係N年前嘅泰國Siam 入面，主打泰式新派fusion 菜，佈置充滿時尚玩味, fashion 人必到朝聖打咭。趁假期又係覓食嘅好時機，帶埋小寶去試吓Greyhound 嘅lunch buffet。有前菜沙律🥗都有好幾款，柚子沙律、青木瓜絲沙律、豬頸肉沙律、火箭菜、羅馬生菜、番茄沙律、鮮露荀沙律等，爽口鮮甜多選擇。冷盤有大量鮮蝦同青口無限量供應，size 都唔細，鮮甜彈牙。熱食可自選配料如牛丸、豬肉丸、魚蛋、牛腩、鮮蝦同搭配唔同嘅粉面，即叫即整，湯底鮮甜濃郁，肉丸爽甜有咬口，面條滑滑掛湯汁。仲有招牌單骨雞翼同炭燒豬頸肉任食，正！ 甜品都好多選題架，有肉桂蘋果、cheese cake、 千層蛋糕、絲絨蛋糕、朱古力蛋糕，仲有新鮮水果🍉🍈。Lunch buffet 仲會有一包飲品架，優閒假日黎嘆泰式fusion lunch buffet 都係唔錯嘅選擇。