JAJA

營業中

休息中

姊妹聚會當然要搵個靚地方影靚相啦📸 打卡是必須的！JAJA地方幾大幾寬敞，仲有好多公仔🧸 門口仲有部自拍機，大家影完scan返QR code就可以save張相入電話，超級方便😆👑仲夏果漾下午茶 $388 for 2總共有4款鹹點+ 5款甜點，個人認為鹹點較為出色👍🏻 4款鹹點味道都唔錯，南瓜牛油果醬杯頗有特色，平時都冇見過哩個配搭，味道幾清新；田園芝士撻味道香濃，撻皮脆口；黑松露鷹嘴豆蓉配意大利麵包係我好鐘意嘅味道，麵包脆卜卜，黑松露味道濃郁，豆蓉齊好幼滑😋 焗素雞菠菜蛋餅咬落軟滑，蛋味香濃。甜點部分都唔錯，不過不失，特別推介日式水果三文治，水果夠甜，配埋超厚滑嘅忌廉更加美味😍 另外士多啤梨柚子忌廉千層酥鬆脆，柚子味香濃清新🤤是日精選冰茶係熱情果冷茶🍹係我好喜歡嘅熱情果，味道酸酸甜甜好開胃，食完鹹點同甜點，之後再飲杯酸酸地嘅冰茶就perfect💜🔍整體感覺：餐廳環境闊落，而且好多打卡位，裝修以粉紅色為主，啱哂女生們或者小朋友去high tea影靚相📸 食物味道同質素都唔錯，重點係擺盤好靚🌸 價錢幾優惠，性價比幾高。