花果飄零 (已結業)

行朗豪坊見到哩間幾次，出面又冇見過，所以就試吓新野😏 ✨百香柚子龍井 $36少甜甜度剛剛好，百香果味帶少少酸甜感，龍井茶味都突出，一啖飲落有果味又唔會蓋過茶香，仲夾雜咗百香果核同柚子肉，味道豐富之餘亦有咬口。🔍整體感覺：取飲品位置有個轉盤，放喺上面打卡就啱哂😂 茶飲味道唔錯，平時飲茶通常都係烏龍茶或者鐵觀音，較少見到龍井，今次試完有驚喜，飲落香濃帶點回甘，味道清甜👍🏻 價錢合埋，值得一試。