影片
更多
2023-04-26
221 瀏覽
偶爾一班人食吓中菜都唔錯，新年後同親戚點咗迎春接福12人套餐，一道道菜咁慢慢上，飲下菜傾下偈咁，人夠多就可以試多啲菜式。💡 五福臨門大拼盤(黑豚叉燒皇、豬舌、陳醋貓耳朵、脆爽青瓜、徽州醬香鴨)作為前菜 有幾樣都係酸酸甜甜，唔會太飽又開下胃。不得不提係個叉燒，蜜汁好香好夠味，肉質好腍，就算唔連肥膏都唔會柴。💡 沙巴老虎斑原條鋪滿薑蔥咁上，同場有親戚好識食，挾開就知條魚受過傷，內臟出血，影響到肉質會霉啲。同完餐廳講之後，餐廳都好爽快話換過條，仲話唔好意思。我就真心佩服，完全唔識仲以為冇咩問題哈哈。💡 西檸蝦平時食西檸雞多，個汁底都好味又唔會太酸，但都係鍾意食西檸雞多啲。口感嚟講，外東有啲厚度，咬落去又好彈牙，同埋蝦本身隻鮮味被蓋過都有少少浪費。💡 薑蔥銀絲肉蟹煲未上到枱就聞到好香嘅薑蔥味，仲要係成煲上，夠晒熱同鑊氣。蟹肉夠飽滿，味道新鮮，望落冇邊隻係水蟹。💡 即燒脆皮文昌雞望落好似好瘦咁，外皮極度香脆，雞肉都幾滑，冇想像中因為瘦而柴， 即燒就係唔同！湯好飲，糖水好食。成個Set太多不能盡錄，揀咗啲特別嘅，其他炒飯同菜都係唔錯嘅~
💡 五福臨門大拼盤(黑豚叉燒皇、豬舌、陳醋貓耳朵、脆爽青瓜、徽州醬香鴨)
作為前菜 有幾樣都係酸酸甜甜，唔會太飽又開下胃。不得不提係個叉燒，蜜汁好香好夠味，肉質好腍，就算唔連肥膏都唔會柴。
💡 沙巴老虎斑
原條鋪滿薑蔥咁上，同場有親戚好識食，挾開就知條魚受過傷，內臟出血，影響到肉質會霉啲。同完餐廳講之後，餐廳都好爽快話換過條，仲話唔好意思。我就真心佩服，完全唔識仲以為冇咩問題哈哈。
💡 西檸蝦
平時食西檸雞多，個汁底都好味又唔會太酸，但都係鍾意食西檸雞多啲。口感嚟講，外東有啲厚度，咬落去又好彈牙，同埋蝦本身隻鮮味被蓋過都有少少浪費。
💡 薑蔥銀絲肉蟹煲
未上到枱就聞到好香嘅薑蔥味，仲要係成煲上，夠晒熱同鑊氣。蟹肉夠飽滿，味道新鮮，望落冇邊隻係水蟹。
💡 即燒脆皮文昌雞
望落好似好瘦咁，外皮極度香脆，雞肉都幾滑，冇想像中因為瘦而柴， 即燒就係唔同！
湯好飲，糖水好食。成個Set太多不能盡錄，揀咗啲特別嘅，其他炒飯同菜都係唔錯嘅~
張貼
