影片
更多
2021-11-20
611 瀏覽
之前賞糖主攻甜品，中式西式包羅萬有，外加各款小食。近排佢轉營咗做冰室，除咗供應甜品以外，早午晚市都提供餐點，一於就黎試下佢先！1️⃣轉營後第一次幫襯（8月中旬），整體味道不俗，營運上尚有甩漏，勝在服務態度良好，積極修補小錯漏👍🏻。2️⃣轉營後第二次幫襯（11月上旬）上次食唔到甜品，所以今次揀啱時間黎，午餐同下午茶夾埋一次過食。🌖全日早餐 $48All day breakfast 相當豐富，包括主菜（雞扒/豬扒二選一）、麵包（鮮油菠蘿包/豬仔包/牛油多士三選一）、配料（煎太陽蛋/煎熟蛋/煎火腿/煎午餐肉/煎腸仔任選兩款）以及辣薯格、茄汁豆、胡麻沙律🥗。味道正正常常，呢個價錢黎講都真係經濟實惠；賣相亦非常靚仔，一上枱就已經係呢個擺盤唔洗再自己執樣。唯一一段小插曲，就係我明明叫鮮油菠蘿包，點知佢就咁俾咗個菠蘿包我🤣，好彩提出後店員好快就加返嚿牛油俾我，仲幾厚添～～🌖即製芥末豬扒包 $28豬扒又厚又大塊，醃製得宜，唔會太鹹或者有鬆肉粉味，配上生菜略顯誠意，加啲番茄🍅令色彩更繽紛會更有食慾。賞糖自選飯餐 $50🌖瑞士汁雞翼拼午餐肉太陽蛋飯；🌗雞扒拼腸仔火腿扒飯主菜除左有一般嘅午餐肉、火腿、腸仔、煎蛋、豬
1️⃣轉營後第一次幫襯（8月中旬），整體味道不俗，營運上尚有甩漏，勝在服務態度良好，積極修補小錯漏👍🏻。
2️⃣轉營後第二次幫襯（11月上旬）
上次食唔到甜品，所以今次揀啱時間黎，午餐同下午茶夾埋一次過食。
全日早餐
$48
21 瀏覽
0 讚好
0 留言
🌖全日早餐 $48
All day breakfast 相當豐富，包括主菜（雞扒/豬扒二選一）、麵包（鮮油菠蘿包/豬仔包/牛油多士三選一）、配料（煎太陽蛋/煎熟蛋/煎火腿/煎午餐肉/煎腸仔任選兩款）以及辣薯格、茄汁豆、胡麻沙律🥗。味道正正常常，呢個價錢黎講都真係經濟實惠；賣相亦非常靚仔，一上枱就已經係呢個擺盤唔洗再自己執樣。
唯一一段小插曲，就係我明明叫鮮油菠蘿包，點知佢就咁俾咗個菠蘿包我🤣，好彩提出後店員好快就加返嚿牛油俾我，仲幾厚添～～
即製芥末豬扒包
$28
12 瀏覽
0 讚好
0 留言
🌖即製芥末豬扒包 $28
豬扒又厚又大塊，醃製得宜，唔會太鹹或者有鬆肉粉味，配上生菜略顯誠意，加啲番茄🍅令色彩更繽紛會更有食慾。
賞糖自選飯餐
$50
27 瀏覽
0 讚好
0 留言
賞糖自選飯餐 $50
🌖瑞士汁雞翼拼午餐肉太陽蛋飯；🌗雞扒拼腸仔火腿扒飯
主菜除左有一般嘅午餐肉、火腿、腸仔、煎蛋、豬扒、雞扒外，仲有生炸巨脾、瑞士汁雞翼揀；主食除左飯同意粉之外，仲有蕃茄螺絲粉同芫荽皮蛋湯米粉😮。份量同味道都正常，不過腸仔味道較鹹，少食為妙😛。另外醬汁份量過多，建議另上等食客自己決定落幾多醬汁。
雙色冰
$50
31 瀏覽
0 讚好
0 留言
🌖雙色冰 $50
冰品揀咗荔枝雪香同提子雪香，附送嘅三種配料分別揀咗三色蒟蒻、黑糖寒天同小丸子。荔枝同提子味道清新，唔會死甜好假，絕對可以翻兜👍🏻；份量夠多，兩三個人一齊食就啱啱好。
芒甸園
$45
20 瀏覽
0 讚好
0 留言
🌖芒甸園 $45
平時鍾意食冰嘅姨甥竟然揀咗呢一款甜品，令我大表驚訝，原來佢係食過返尋味。甜品材料豐富，椰汁底配上豆腐花、芒果布甸、鮮芒果、芒果汁及小丸子，啱晒三心兩意嘅人。
飲品方面又有幾多特飲：
🌖清香檸檬桂花茶 跟餐+$3 ：飲落幾舒服，有啲味得黎又夠天然，啱曬夏天消暑。
🌗伯爵鮮奶 跟餐+$12：係有伯爵茶味嘅，貪新鮮嘅可以試下，不過要+$12真係有少少貴。
🌖荔枝梳打 跟餐+$5：味道偏甜，荔枝味唔算假。
🌖消暑冬瓜茶 跟餐+$3：味道較清淡，適🈴️少甜人士。
留意返甜品下午三點後先開始供應，記得要揀啱時間黎。
張貼
