影片
更多
2024-10-23
361 瀏覽
🌗招牌砂煲老鼠粉 $88平時食開嘅銀針粉都係白雪雪淡而無味，呢度嘅老鼠粉單睇外表已經知道佢味道十足，甚至可以推介俾重口味人仕！砂煲老鼠粉材料豐富，肉眼所見已經見到有蝦米仔、魚乾仔、肉碎、乾蔥等，拌勻後嘅老鼠粉口感豐富，蝦米同魚乾仔比較硬嘅口感同老鼠粉嘅軟滑有較大對比，而且煲底焦脆嘅老鼠粉唔會黐牙，連平時唔鍾情飯焦嘅我都大有好感。🌖椰汁班蘭冰 午市套餐+$18椰汁味香濃，味道唔會太甜；底下切碎成粒狀嘅珍多，口感有別於一般嘅珍多冰，值得一試。🌖榴槤芝士蛋糕 $49蛋糕又淡淡嘅榴槤同芝士味，兩者味道調和得幾好，誰也不搶誰。食落質感香滑，唔會太膩，食完老鼠粉都可以輕鬆完成到一件，面頭嘅榴槤蓉份量都唔少，比IKEA榴槤雪糕嘅一球榴槤蓉份量更多，算係物有所值。
🌗招牌砂煲老鼠粉 $88平時食開嘅銀針粉都係白雪雪淡而無味，呢度嘅老鼠粉單睇外表已經知道佢味道十足，甚至可以推介俾重口味人仕！
砂煲老鼠粉材料豐富，肉眼所見已經見到有蝦米仔、魚乾仔、肉碎、乾蔥等，拌勻後嘅老鼠粉口感豐富，蝦米同魚乾仔比較硬嘅口感同老鼠粉嘅軟滑有較大對比，而且煲底焦脆嘅老鼠粉唔會黐牙，連平時唔鍾情飯焦嘅我都大有好感。
🌖椰汁班蘭冰 午市套餐+$18
椰汁味香濃，味道唔會太甜；底下切碎成粒狀嘅珍多，口感有別於一般嘅珍多冰，值得一試。
🌖榴槤芝士蛋糕 $49
蛋糕又淡淡嘅榴槤同芝士味，兩者味道調和得幾好，誰也不搶誰。食落質感香滑，唔會太膩，食完老鼠粉都可以輕鬆完成到一件，面頭嘅榴槤蓉份量都唔少，比IKEA榴槤雪糕嘅一球榴槤蓉份量更多，算係物有所值。
張貼
