滿記甜品 (新城市廣場一期)

營業中

休息中

🔖 夏日熱辣辣，即刻去左沙田滿記甜品分店，位於新城市廣場 ，好易搵到 ，位置方便。 估唔到全場滿人，等咗大概10分鐘就入到了。 💬 天氣咁熱梗係要返d甜品醫下肚，解解暑啦！ 我哋叫咗兩份甜品，一份係原塊芒果西米露，呢份甜品芒果味十足，味道唔會太酸，有一陣陣嘅芒果果甜味，配搭埋入邊嘅西米露，再加上浸住芒汁，一粒粒嘅西米都鎖住其汁，口感又淋又Q彈，兩個字：好爽！ 💬 另一份甜品係鮮雜果涼粉，入邊有唔同嘅雜果包括奇異果、香蕉、芒果、西瓜，水果上面有提子乾做配料，加埋解暑嘅涼粉一齊食，又健康又涼快！而且兩份嘅苦澀味突出咗雜果嘅酸甜味，出色嘅配搭！📝 天氣成35度，一定要食甜品比自己身體休息同舒緩，而呢兩碗嘅甜品就比到我呢個冰涼嘅感覺，下次再試其他唔同甜品。