Chitose (已結業)

深水埗新開左間CAFE, 店內裝修比較簡約, 座位比較少, 卡位帶中式懷舊感而MEUN上的大多偏向西式~ 雖然選擇唔多, 但呢度勝在唔洗加一, 二人套餐更為抵食!【二人套餐】HK$258頭盤小食(自選2款)脆炸薯條伴松露醬即炸粗直薯條, 脆薯條配上好香既松露醬,絕配!份量都幾多...香草辣炒白蝦仁 本身意為呢款小食係乾炒, 送到黎先知原來係濕炒, 好喜歡呢款既秘制汁, 唔係周圍可以食到, 味道辣辣地, 爽口蝦仁配上呢款汁, 惹味又開胃!! 主食(自選2款)慢煮羊西冷配薯條 (+HK$20)慢煮令羊既肉汁鎖住, 表面燒得好香, 雖然切開未見有血水, 但仍有些少肉汁, 肉質帶點嫩, 容易咬開, 而且啖啖肉, 一D都唔羶, 配上燒汁, 正啊!! 個人覺得呢款值得一試!燒風味牛扒配薯條 (+HK$20)大大塊無骨牛扒, 牛扒煮為九成熟, 帶少訐牛根~ 相比起, 羊西冷好食好多包兩杯飲品本身想試OREO/香蕉奶昔, 但當晚冇貨, 最後揀左芒果菠蘿梳打味道偏向菠蘿味, 只有幾粒芒果粒釣味, 不過都係解渴之選朋友點左 薄荷朱古力奶昔, 還大讚薄荷清新而令喉嚨有一點點清涼, 整杯味道唔算好甜睇OPEN