Greyhound Café (國際金融中心) (已結業)

是日星期日，踏入秋天既季節，正係行山既好時候，今日係同朋友們行山之前黎到食泰國fusion 菜既Greyhound到食午餐，為左唔想等位，我地預早一日已經BOOK 定檯。薄切三文魚配泰式酸辣汁: 質感肥美既三文魚配上泰式酸辣汁，加入刁草、生蒜片、泰式辣醬等，出奇地夾，味道新奇好味！鮮蝦炒金邊粉: 上菜已經聞到好香，金邊粉比較乾身，唔太油，加入鮮蝦，洋蔥同蛋，炒得好入味，仲有青檸, 花生, 芽菜同埋辣粉放係碟旁，撈埋一齊食真係食到佢既香味，食落有多重口感!泰式辣汁青木瓜沙律: 青木瓜沙律口感爽甜，配合同樣爽脆既紅蘿蔔絲同埋泰式辣汁，酸得黎仲帶微辣，帶俾我地清新既感覺，真係一個幾開胃既前菜。