HOKO Farm (已結業)

今晚同朋友去太古廣場shopping, 打算搵間餐廳坐下食埋dinner先返屋企。不過太古廣場選擇較少, 而且太貴, 所以我地就行去附近搵搵有冇平少少既野食。行至金鐘同灣仔交界, 經過見到呢間以田園做主題既餐廳, 主打西餐, 見太累唔想再行, 所以就入去試試。呢度食物款式唔算多, 但一般既西餐款式都有提供: All day breakfast、沙律、扒類、意粉、漢堡同埋各式飲品所有主食都可以額外加錢加多杯野飲, 再送餐包餐包係麥包, 溫度暖暖的, 很軟棉【美國西牛扒伴薯角】HK$138牛扒係order時可以要求要幾多成熟, 而我就request 四成熟。等左大約20分鐘左右, 牛扒終於上檯喇!! 牛扒唔算大件, 但薯角份量幾多, 薯角被炸得金黃香脆, 入口脆卜卜, 伴碟更有蕃茄同埋爽脆既沙律菜。主菜上檯時更送上黑椒同海鹽, 客人可以自行再調味, 牛扒切開見到有血水滲出, 入口更有juicy而又豐富既肉汁, 相連既牛筋增添咬口, 因為我額外再加上黑椒同海鹽調味, 味道更為突出, 不錯! +HK$18特飲 【荔枝梳打】荔枝味很出, 加上梳打, 定必係解渴首選!~