影片
更多
2015-05-14
5768 瀏覽
:::: 軍事主題 第N次燒肉大戰 ::::估唔到，我都有做兵嘅一日。好友牛一，我當然不介意做小兵張羅一番，最後搵到一間位於荃灣，用軍事做主題嘅人氣韓燒 「BBQ Military」，竟然可以Book位 (韓燒10間有8間都冇得book, 喜來稀肉之流假日仲要等到天荒地老)，竟然仲有得免費玩射擊遊戲，咁就決定帶埋朋友們齊齊入伍了。▼ 餐前注意 ▼1. 只hold枱5分鐘，遲到記得盡早打去delay booking，店家俾我哋delay 15分鐘2. 店嘅面積好大，9:15pm上到去都爆滿！想食記得book定位。3. 未齊人都俾我哋入去拎咗枱先4. 話就話限食1.5小時，初初我哋都擔心唔夠。不過食到未夠11點空枱已經出現，根本冇趕過我哋走。5. 切餅費$100，最後我哋都屈服咗。因為荃灣真係冇地方好切@@。6. 當晚起碼有4、5枱慶祝生日，最搞笑嘅係，出蛋糕時會起歌，同大部份waiter會圍住你張枱起哄講生日快樂！都幾開心ga!!!之後仲有人幫你影即影即有，再送返張卡俾壽星!7. 安排切蛋糕，記得記得一早同店員溝通好。由於我哋食到一半先決定切，趁壽星去廁所時先安排上，壽星返嚟之後，竟然又
估唔到，我都有做兵嘅一日。好友牛一，我當然不介意做小兵張羅一番，最後搵到一間位於荃灣，用軍事做主題嘅人氣韓燒 「BBQ Military」，竟然可以Book位 (韓燒10間有8間都冇得book, 喜來稀肉之流假日仲要等到天荒地老)，竟然仲有得免費玩射擊遊戲，咁就決定帶埋朋友們齊齊入伍了。
▼ 餐前注意 ▼1. 只hold枱5分鐘，遲到記得盡早打去delay booking，店家俾我哋delay 15分鐘
2. 店嘅面積好大，9:15pm上到去都爆滿！想食記得book定位。
3. 未齊人都俾我哋入去拎咗枱先
4. 話就話限食1.5小時，初初我哋都擔心唔夠。不過食到未夠11點空枱已經出現，根本冇趕過我哋走。
5. 切餅費$100，最後我哋都屈服咗。因為荃灣真係冇地方好切@@。
6. 當晚起碼有4、5枱慶祝生日，最搞笑嘅係，出蛋糕時會起歌，同大部份waiter會圍住你張枱起哄講生日快樂！都幾開心ga!!!之後仲有人幫你影即影即有，再送返張卡俾壽星!
7. 安排切蛋糕，記得記得一早同店員溝通好。由於我哋食到一半先決定切，趁壽星去廁所時先安排上，壽星返嚟之後，竟然又有另一個店員走埋嚟問我哋係問要切蛋糕！仲要問我哋係咪神秘嘅= =真係呆晒同爆笑。那邊箱個蛋糕其實已經嚟緊……好地地嘅一個驚喜，就係咁被破壞咗!!!!= =”
8. 我哋去嗰陣間舖仲申請緊酒牌，店員竟然俾我哋出去買嘢入嚟飲!!!! 嗰度啲韓啤成$30一小支，我喺出面買梗係平好多啦!!! Lucky!!有去趁手喇!! 訂位時問吓佢拎到酒牌未啦!!
▼ 食物質素 ▼
1. 嗌咗一牛一豬拼盆，每個$338。我只記得五花豬腩肉(聲稱係濟洲黑毛豬)同牛肋骨好味，其他一般，牛好過豬。單嗌都百五蚊，4個人食都係拼盤實際。
肉質嚟講，始終係喜來優勝。
2. 另有粉麵飯同韓國小食等食物，普通價錢，唔特別貴，而我地只嗌了餃子，味道不過不失。3. 芽菜、洋蔥、蘿蔔、泡菜等配菜免費任添，最Like蘿蔔!! 但冇圍邊蛋有啲失望……
▼ 環境服務 ▼佈置到成個軍營咁，仲有個位俾係玩槍射BB彈。一大班人食燒肉飲啤酒其實幾好Feel，但呢度啲韓文歌開到好鬼大聲，所以大家傾計都要大聲啲先聽到。
有韓國waiter，不過識中文的，著晒迷彩衫，服務還可以！另枱嗰支茶竟然係「熱」嘅，完全唔襯韓燒！好在有得自己買嘢飲！
張貼
