影片
更多
2024-12-20
208 瀏覽
【Sabor 🔥充滿驚喜的西班牙私房菜】最近成日食雞胸，朋友立刻帶我食全香港最好食的雞胸！唔止雞胸得，其他菜式都充滿驚喜！ 🔥Chicken Liver Pate高濃度雞肝醬配水晶包水晶包自家焗製，好新鮮，夠脆！雞肝醬肝味好香濃，配上蔥、洋蔥、莓醬，酸甜感覺與雞肝好夾，非常之開胃的頭盤。.🔥Sabor Chicken Box杏花雞匣杏花雞來自肇慶市封開縣，又名米仔雞，被列入廣東三大名雞之一，久仰大名。主角出場，全雞上枱，店員禮貌地係我哋面前點火，好有儀式感！再將雞帶返入廚房斬件，切好嘅雞放入木盒內，再度登場時有好香嘅松果煙薰味，雞髀雞肉列陣放好，先嚐雞胸，滑度超出想像，再食件雞髀又再食返雞胸！過程得意好玩又有進食嘅享受！雞味香濃入味，完全唔需要點醬汁，雞嘅軟滑程度，我認同朋友所講「全香港最好食的雞胸肉」.🔥Chicken Skin Oil Rice 雞皮油香飯煲仔上，店員會打開煲蓋，噴上秘製醬汁，我聞到少少威士忌嘅味，嘻嘻😁，再輕輕將飯撈炒，雞皮先焗脆再和雞絲一同加入，簡單得嚟又惹味，無諗過兩個人最後食晒成煲飯！.🔥Grilled Cuttlefish with Alloil蒜泡墨魚粒
最近成日食雞胸，朋友立刻帶我食全香港最好食的雞胸！唔止雞胸得，其他菜式都充滿驚喜！
🔥Chicken Liver Pate高濃度雞肝醬配水晶包
水晶包自家焗製，好新鮮，夠脆！
雞肝醬肝味好香濃，配上蔥、洋蔥、莓醬，酸甜感覺與雞肝好夾，非常之開胃的頭盤。
.
🔥Sabor Chicken Box杏花雞匣
杏花雞來自肇慶市封開縣，又名米仔雞，被列入廣東三大名雞之一，久仰大名。
主角出場，全雞上枱，店員禮貌地係我哋面前點火，好有儀式感！再將雞帶返入廚房斬件，切好嘅雞放入木盒內，再度登場時有好香嘅松果煙薰味，雞髀雞肉列陣放好，先嚐雞胸，滑度超出想像，再食件雞髀又再食返雞胸！
過程得意好玩又有進食嘅享受！
雞味香濃入味，完全唔需要點醬汁，雞嘅軟滑程度，我認同朋友所講「全香港最好食的雞胸肉」
.
🔥Chicken Skin Oil Rice 雞皮油香飯
煲仔上，店員會打開煲蓋，噴上秘製醬汁，我聞到少少威士忌嘅味，嘻嘻😁，再輕輕將飯撈炒，雞皮先焗脆再和雞絲一同加入，簡單得嚟又惹味，無諗過兩個人最後食晒成煲飯！
.
🔥Grilled Cuttlefish with Alloil蒜泡墨魚粒
墨魚粒切丁先炒香，再配上新鮮機打泡沫蒜醬，蒜醬由店員在枱上新鮮噴出，翠綠泡泡好有軟雪糕感覺，軟滑度媲美軟雪糕，少少天然蒜辣，與墨魚粒好夾。
.
🔥Catalonia Cream with Handmade Melon Ice-cream 西班牙加泰羅尼亞焦糖布丁手做蜜瓜雪糕
這甜品就係著名壽司店甜品「卡達拉娜」的原型。
外型上與法式焦糖燉蛋非常之相似，嚴格來講Catalonia cream較為軟身帶點點橘子味，奶味比較濃。今次再配上由廚師手製蜜瓜雪糕，兩款甜品又讓我突然開胃起來。
原來總廚師承西班牙米芝蓮Jose Vincent Mascaros，難怪食物質奇高，隱世水準小店。
餐廳店員好Nice，原來免開瓶費，可惜今晚朋友唔飲酒，下次識得帶酒嚟飲了！
當晚另一驚喜係見到明星客人，一家幾口坐我們附近，低調的我都不敢打擾，不過佢哋都點咗我讚好食的Chicken Box呢！
📍訂位是重要事
張貼
