影片
更多
2023-10-05
11 瀏覽
好開心等咗好耐嘅袋終於到，Sogo拎完袋係附近食飯，見到有間餐廳用張學友「食屎啦你」個樣做餐廳招牌超搞笑，即刻同fd去食飯。坐低睇餐牌比d名笑死，抵死又搞笑，周圍d裝飾佈置又好colorful，成個氣氛好開心～🍶香辣白酒煮蜆配兩杯白酒 $198店員推介菜式～加上有2杯白酒送蜆都幾抵就試下，爆香蒜蓉味加上辣椒，新鮮蜆入口辣得嚟好惹味，飲白酒配海鮮一流～🦐你有個大頭蝦飯桶朋友 $168第一眼已經見到2隻爆哂膏大頭蝦勁搶眼，大頭蝦燒到好香口，蝦膏好鮮味，香草醬Risotto 清新+creamy，夾埋蝦膏食邪惡又好食🐥記住期望愈大，失望愈大・雞翼 $69個名又好係好搞鬼，有3款口味：微辣原味、蜜糖芥末、芝士粉，我揀咗微辣味，味道唔算太辣，脆皮原隻雞翼，鍾意食雞翼尖朋友就啱晒，肉質嫩滑，叫杯Cocktail飲更夾～🦑普通到無得再普通嘅炸魷魚圈 $69咁又無個名講到咁普通嘅，炸到啱啱好，魷魚仲好彈牙，炸粉又唔會太厚，點沙律醬食好正喎🧇是是但但 $90是是但但即係當日由廚師揀選嘅窩夫口味，今日係Oreo，真係有超多Oreo 餅乾，連雪糕都係Oreo 味，份量好大份！真係食份甜品都飽💚尤達的體液 $
🍶香辣白酒煮蜆配兩杯白酒 $198
店員推介菜式～加上有2杯白酒送蜆都幾抵就試下，爆香蒜蓉味加上辣椒，新鮮蜆入口辣得嚟好惹味，飲白酒配海鮮一流～
🦐你有個大頭蝦飯桶朋友 $168
第一眼已經見到2隻爆哂膏大頭蝦勁搶眼，大頭蝦燒到好香口，蝦膏好鮮味，香草醬Risotto 清新+creamy，夾埋蝦膏食邪惡又好食
🐥記住期望愈大，失望愈大・雞翼 $69
個名又好係好搞鬼，有3款口味：微辣原味、蜜糖芥末、芝士粉，我揀咗微辣味，味道唔算太辣，脆皮原隻雞翼，鍾意食雞翼尖朋友就啱晒，肉質嫩滑，叫杯Cocktail飲更夾～
🦑普通到無得再普通嘅炸魷魚圈 $69
咁又無個名講到咁普通嘅，炸到啱啱好，魷魚仲好彈牙，炸粉又唔會太厚，點沙律醬食好正喎
🧇是是但但 $90
是是但但即係當日由廚師揀選嘅窩夫口味，今日係Oreo，真係有超多Oreo 餅乾，連雪糕都係Oreo 味，份量好大份！真係食份甜品都飽
💚尤達的體液 $98
個名真係笑死咗，諗都唔使諗就叫，原來係White rum、薄荷、檸檬、火龍果等溝成嘅Cocktail，入口薄荷味係主要味道，整體好清新，加上有成半個火龍果做裝飾，好特別！
💜都係香芋鮮奶好味D $56
香芋鮮奶真係不敗之選，淡淡香芋味加香濃奶味，香滑甜蜜，鐘意飲熱飲就揀香芋鮮奶la
Wish You A Mamaday
📍地址：銅鑼灣駱克道491-499號京都商業中心10樓
張貼
