101 Binary

營業中

休息中

呢間咖啡店原址位於琉璃街，早前搬到清風街一酒店留下。重開後嘅cafe，唔單止地址改咗，就連風格都嚟過180度改變，由原先文青木系簡約feel搖身走上型格工業風。跟上手一樣，咖啡店依然有為樓上酒店住客提供早餐，週末時份仲有live band表演添！蒜片辣椒白酒大蜆意粉 ($124)店內推介菜式之一！大大隻嘅蜆肉肉質鮮嫩，份量都唔少架，加上配埋白酒、蒜片嘅香氣，辣椒嘅惹味，果然係嚟度必食嘅意粉，阿叔表示好鍾意！自家製提拉米蘇 ($88)店內自家製嘅甜品，同傳統嘅Tiramisu有少少分別。以西班牙油條Churros代替手指餅，加上底層軟滑芝士、雲呢拿雪糕同埋特濃咖啡，口感更濕潤，味道更香濃。