影片
更多
2023-07-22
27 瀏覽
呢間主打港式風味嘅多國菜餐廳🍴上年年頭喺大坑結業，半年過後，話咁快就喺銅鑼灣維園對面嘅名店坊重開，對於一眾掛住餐廳嘅手工啤🍺、大坑薯條🍟同腐乳卡邦尼確🍝係好消息！🥳🥳🥳 新店繼續由少爺啤酒廠嘅班底主理，店內有著26 個啤酒龍頭，專門提供少爺啤酒廠以及世界各地酒廠出品嘅啤酒🍺。除咗啤酒外，餐廳最令人印象深刻莫過於一眾賣相邪惡、充滿港式風味嘅佐酒小食😈，真係好啱放工後同同事嚟happy hour，把酒談歡。🍻🍻🍻 🍟大坑薯條 ($88)講佢係舊店名物真係絕對唔誇張！幼身薯條即叫即炸，加上孜然、高菜、乾辣椒，味道惹味！🤤🤤🤤 🐮麻辣牛舌 ($58)凍食前菜之一，牛舌煮得夠軟腍，薄薄一片吸晒麻辣汁，愛辣人士會好鍾意。😏😏😏 🦐紅油蝦餃 ($98)自家製嘅蝦餃，皮夠薄，入邊包住爽口彈牙嘅蝦滑，配上水牛醬，值得一食。 👍🏽👍🏽👍🏽 🧇炸雞香蔥窩夫 ($148)餐廳嘅新菜式，賣相極之好邪、吸睛！香蔥窩夫嘅感覺有啲似食緊蔥油餅，不過食晒成份主食，確實會太飽。 食得以上全部咁濃味嘅食品，當然要配襯番杯啤酒啦！🍺阿叔唔太鍾意太重麥味嘅啤酒，呢杯Classic (5%) 同The Cool Kids ($6
新店繼續由少爺啤酒廠嘅班底主理，店內有著26 個啤酒龍頭，專門提供少爺啤酒廠以及世界各地酒廠出品嘅啤酒🍺。除咗啤酒外，餐廳最令人印象深刻莫過於一眾賣相邪惡、充滿港式風味嘅佐酒小食😈，真係好啱放工後同同事嚟happy hour，把酒談歡。🍻🍻🍻
🍟大坑薯條 ($88)
講佢係舊店名物真係絕對唔誇張！幼身薯條即叫即炸，加上孜然、高菜、乾辣椒，味道惹味！🤤🤤🤤
🐮麻辣牛舌 ($58)
凍食前菜之一，牛舌煮得夠軟腍，薄薄一片吸晒麻辣汁，愛辣人士會好鍾意。😏😏😏
🦐紅油蝦餃 ($98)
自家製嘅蝦餃，皮夠薄，入邊包住爽口彈牙嘅蝦滑，配上水牛醬，值得一食。 👍🏽👍🏽👍🏽
🧇炸雞香蔥窩夫 ($148)
餐廳嘅新菜式，賣相極之好邪、吸睛！香蔥窩夫嘅感覺有啲似食緊蔥油餅，不過食晒成份主食，確實會太飽。
食得以上全部咁濃味嘅食品，當然要配襯番杯啤酒啦！🍺阿叔唔太鍾意太重麥味嘅啤酒，呢杯Classic (5%) 同The Cool Kids ($6.5%) 味道清爽易入口，啱晒我口味！ 😙😙😙
張貼
