PRESS THE BUTTON coffee stand (已結業)

今次專程嚟深水埗，最主要目的係為咗睇日本插畫家Noritake嘅作品迷你展，呢個黑白簡約線條嘅公仔🙂，相信大家都會喺好多日本或者台灣潮流雜誌見過，阿叔一直都好想買到佢嘅精品，今次終於如願以償。😚離開精品店時，剛巧見到呢間簡約咖啡小店係隔離，純白色嘅外牆，玻璃門設計，好有日系feel。由於天氣太熱🥵嘅關係，雖然店內無坐位，但阿叔都忍唔住要買杯凍latte ($45)🥶降降溫，呢度用上中深烘焙嘅咖啡豆，味道較濃。佢哋除咗有提供咖啡飲外，亦有日本咖啡豆或者其他日系咖啡用品提供，非常精美，不過好彩今次忍得手，力保不跌錢。✌🏽