break (已結業)

隨著觀塘租金越嚟越貴，原來近年已經有唔少商廈🏢、餐廳🍴、咖啡店🏠開始進駐牛頭角，唔係今次約咗門釘朋友嚟影相📸都唔知附近有咁多café開咗喺附近。呢間就係其中一間，佢位於商業大廈入邊，餐廳用上園林🌴設計風格，店內綠油油加上木系嘅色tune，感覺清新舒服，啱晒附近返工人士下晝嚟食飯唞唞。😌😌😌🐟香煎芝麻吞拿魚牛油果丼 ($148)5大塊輕輕煎過嘅吞拿魚🐟，外皮夠脆口，加上面頭嘅芝麻，更添香口🤤。食之前，阿叔鍾意撈均牛油果蓉🥑、明太子、碎紫菜，用一塊吞拿魚包著連飯一齊食，加埋少少檸檬汁，飯濕濕地，食落更開胃。😚😚😚 🦐脆米櫻花蝦餅 ($38)蝦餅面頭加上脆米，炸至金黃色，唔單止外脆內軟，而且香口惹味，絕對係值得一叫嘅小食！👍🏽👍🏽👍🏽 🍹Island ($55)除咗咖啡、茶、果汁之外，呢度都有唔少特式飲品。呢杯以菠蘿汁🍍、Tonic water做底，再加上無花果果茸同埋嚟自日本嘅天竜抹茶🍵，味道層次豐富，而且夠晒清新，如果喺大熱天時嘅氣溫下飲就更加正。☺️☺️☺️🍰抹茶蛋卷 ($58)蛋卷質感濕潤鬆軟，濃郁蛋味中帶有少少嘅抹茶味，作為飲後甜品或者下午茶小食都好適合。