影片
更多
2022-10-27
52 瀏覽
中秋月餅節🥮過後，又到一年一度爆膽固醇嘅蟹季🦀喇！宜家市場上已經有唔少餐廳推出咗蟹宴，阿叔👨🏾已經急不及待，上星期率先跟朋友食餐以蟹粉入饌嘅晚飯。 嚟咗呢間位於銅鑼灣登龍街嘅台式飯店，呢間餐廳裝修到古式古香，好有舊台灣80年代嘅風格，令人好似走入咗電視劇《華登初上》嘅情景中咁，當中門口嘅楓葉樹🍁、復刻酒廊舞台🎤、悠閒飲酒區🥃都好好打卡，鍾意影相嘅朋友一定會好鍾意。 🧆話梅小山藥 ($55)，食蟹前，先食番個開胃菜，以台灣直送嘅話梅汁浸泡山藥，酸酸甜甜嘅味道令人食唔停口呢！ 🥣金杯蟹粉海鮮羹 ($108)，熬足8個鐘頭嘅海鮮羹，味道唔單止夠晒濃，仲超足料，除咗蟹粉，仲有蝦、帶子、素魚翅，實屬阿叔嘅個人推介。👍🏽 🫓蟹粉一口迷你棋子 ($88)，濃郁嘅蟹粉，遇上兩款台灣地道、口感香軟嘅小划包，一款蒸、一款炸，一啖放入口，畀你最能感受到蟹粉嘅邪惡味道！ 🥬蟹粉魚湯泡津白 ($138)，津白以魚湯浸泡，面頭再加上蟹粉作調味，爽甜之餘吸收晒蟹粉嘅鮮味。🌮蟹粉手工麻糬酥 ($98)，傳統嘅台灣大餅加入麻糬整成麻糬酥餅，中間再以蟹粉作饀料，口感酥脆，夠晒惹味。 🍚蟹粉古早米糕 ($108)，感覺好似
嚟咗呢間位於銅鑼灣登龍街嘅台式飯店，呢間餐廳裝修到古式古香，好有舊台灣80年代嘅風格，令人好似走入咗電視劇《華登初上》嘅情景中咁，當中門口嘅楓葉樹🍁、復刻酒廊舞台🎤、悠閒飲酒區🥃都好好打卡，鍾意影相嘅朋友一定會好鍾意。
🧆話梅小山藥 ($55)，食蟹前，先食番個開胃菜，以台灣直送嘅話梅汁浸泡山藥，酸酸甜甜嘅味道令人食唔停口呢！
🥣金杯蟹粉海鮮羹 ($108)，熬足8個鐘頭嘅海鮮羹，味道唔單止夠晒濃，仲超足料，除咗蟹粉，仲有蝦、帶子、素魚翅，實屬阿叔嘅個人推介。👍🏽
🫓蟹粉一口迷你棋子 ($88)，濃郁嘅蟹粉，遇上兩款台灣地道、口感香軟嘅小划包，一款蒸、一款炸，一啖放入口，畀你最能感受到蟹粉嘅邪惡味道！
🥬蟹粉魚湯泡津白 ($138)，津白以魚湯浸泡，面頭再加上蟹粉作調味，爽甜之餘吸收晒蟹粉嘅鮮味。
🌮蟹粉手工麻糬酥 ($98)，傳統嘅台灣大餅加入麻糬整成麻糬酥餅，中間再以蟹粉作饀料，口感酥脆，夠晒惹味。
🍚蟹粉古早米糕 ($108)，感覺好似係我哋平時食嘅生炒糯米飯，不過喺糯米飯中加入蟹粉，不過由於兩者味道都好濃郁，變相蟹粉味道就相對無咁出喇。
🥞黑糖珍珠舒芙蕾班戟配抺茶冰淇淋 ($188)，咪以為係普通班戟咁簡單，查實係超重量級、成塊面咁大嘅甜品，軟綿綿嘅舒芙蕾班戟中夾有香滑忌廉，面頭仲有黑糖珍增加口感，再加埋其他雪糕、抹茶蕨餅等配料，真心正！🤤🤤😀
最後，嚟得食蟹又鍾意飲酒嘅人，不妨試埋佢哋兩杯期間限定嘅特色酒精飲品🍹：醉·俊同醉·美 ($98@)，前者於冰糖琵琶陳皮燉檸檬中加入耶格利口酒；後者就以黑糖、杞子、薑同埋台灣威土忌調配而成嘅雞尾酒，兩杯同時以中式傳統萬壽無疆杯示人，好有特色呢！🥰🥰🥰
—
張貼
