京都勝牛 (Tower 535) (已結業)

認識呢間日本過江龍吉列牛🐄專門店源自一次睇到一位Youtuber去東京🏯時嘅分享，由於個vlog介紹得實在太吸引🤤，阿叔忍唔住即時要bookmark低留番下次返家鄉嘅時候去幫襯🤗。但網上搵資料時先知，原來佢喺香港都有2間分店，一間銅鑼灣、一間荃灣，見開得咁近阿叔屋企，當然要搵日嚟試吓啦！🤭🤭🤭呢間專門店源自京都🇯🇵，店內除咗招牌吉列牛🐄之外，仲有吉列豬🐽、蝦🦐、蠔🦪，甚至鰻魚都有。佢哋嘅吉列牛喺日本之所以咁出名，原因係佢哋用上高溫快炸60秒🔥嘅烹煮技術，做法除咗可令牛嘅外層炸至酥脆金黃之外，內層嘅牛肉亦可保持軟嫩，鎖著肉汁。😋😋😋🐂極上和牛M9後腰脊 ($318) 呢款油花分布均勻嘅極上和牛M9後腰脊，由於部位運動量較大，所以食起上嚟較有嚼勁。阿叔最鍾意係佢炸粉真心夠薄，加上肉味濃郁，建議食嘅時候沾埋半熟蛋汁口感會幼滑，更好食，如果可以食多幾件就好囉！🐽豚牛二味套餐 ($178)唔想獨沽一味食牛，可以揀呢類多拼套餐，價錢大眾化啲，份量又大啲，而且更可以一次過品嚐多款主食。呢款豚牛二味套餐包刮翼板牛同豚肉兩款，相對M9後腰脊，阿叔感覺翼板牛油份無咁重，不過同樣牛味濃郁，而豬扒就口感鬆化、