唂咕

營業中

休息中

研究報告指出朱古力含有「色胺酸」，可製造「快樂荷爾蒙」血清素，食後可令人感到輕鬆愉快，所以每當阿叔遇到情緒低落時，通常都會點吓聖木，兼沖番杯熱朱古力，留喺屋企俾自己靜吓，煲吓劇，做自己鍾意做嘅事。 呢間位於灣仔嘅唂咕專門店就啱晒阿叔，店內有好多款唔同口味俾大家揀，純可可、抹茶朱古力、焙茶朱古力、黑朱古力等等，總有一款啱你口味。 薰衣草朱古力 ($68)淡淡嘅薰衣草味，加上嚟自菲律賓嘅朱古力，一啲都唔會太甜，飲完真係有安定情緒嘅作用架，實屬阿叔嘅個人推介！ 純可可配椰子水 ($55)要心理健康之餘，都要食得健康，呢款屬於無糖系列其中一款就啱晒怕純可可會太苦但又追求健康嘅人士飲用。