BOND (已結業)

阿叔查實係一個芝士控🧀，仲要越多越好添😆！如果你都同阿叔一樣，咁就要諗諗嚟呢間位於大坑嘅西餐廳兼食埋呢度兩款招牌菜。.佢坐落喺一棟服務式住宅🏠嘅2樓之中，裝修高尚型格，露天平台更係阿叔至愛，如果同三五知己喺度飲吓嘢🥃，吹吓水💬，一定chill到爆，可惜去嗰日落狗屎🐶💩，只好乖乖地留番喺室內啦！一行兩人，左睇右睇👀餐牌，樣樣都想叫，結果喺店員介紹下💁🏻‍♂️，叫齊兩款呢度嘅招牌菜。.🍴#法式洋蔥湯($98)，阿叔強烈推薦👍🏼！洋蔥🧅煮得好腍，又香又甜，湯面上放上焗得剛剛好嘅芝士麵包🧀🍞，麵包吸收晒洋蔥湯，一咸一甜，味道超正🤤。咪睇湯細細，但其實非常足料，飲完已經飽咗一半。😝.🍴#巴馬臣芝士意大利粉($205)，廚師👨🏼‍🍳會即席喺你面前煮意粉🍝，大大個嘅巴馬臣芝士輪🧀，廚師首先會將冧酒淋喺芝士內，點火🔥，之後再加入半熟意粉，呢種做法務求令每條麵條都會沾上芝士汁，最後加上黑松露就完成！非常creamy嘅意粉，芝士味比想像中無咁重，配上黑松露，味道好夾😋。不過飲完洋蔥湯，再食呢個意粉，你可能會覺得有啲膩，多人一齊食會好啲。結果最後我哋因為太飽，只好將大半份意粉打包走，唔好嘥！😅😅