影片
更多
2020-06-02
2495 瀏覽
疫情放緩，開始多番啲行山，雖然天氣亦開始熱起嚟，不時正午都高達三十幾度，但都唔會影響幾個相熟嘅行山發燒友，不過，我哋就會盡量揀啲多樹蔭，唔太難行嘅路徑，是日就由朋友帶路，由城門水塘經條私房秘道，經下城門水塘、香粉寮到達大圍，出番大路就喺美田邨，友人嚟過美田商場內嘅「新城快餐廳」，覺得OK，就近近哋晌度食個下午菜，順道攤抖吓。除入門量量體溫做吓樣，餐廳內對防疫就無乜點下功夫，唯有食客自行執生。餐廳嘅名改得好吊詭，唔叫快餐店，亦唔叫茶餐廳，入到去格局似茶記，但就要出番門口收銀度落單（收銀會問你坐邊度），卻喺由侍應送上食物，可能喺咁嘅運作模式，就叫快餐廳吧！餐具、紙巾、基本調味就放晒晌枱上，自由取用。不過，個人睇法，正常情況就無太大問題，但遇着疫情嘅日子，客人又會高談闊論，啲餐具擺得咁「開放」，無遮又無掩，就只好自己搞番好啲衛生。下午餐餐，一個大餐牌楝晌門口，一眼睇晒，而供應時間都相對長，2:00pm-6:00pm，平平哋有啲麵包餐、小食餐，貴嘅就有啲炒粉麵餐。最後，小弟決定揀個沙嗲牛肉包餐，賣$30，純粹墊一墊肚。沙嗲牛肉包沙嗲牛肉可稱得上喺茶記嘅必有款式，不論早餐，抑或常餐，都有其踪影。
除入門量量體溫做吓樣，餐廳內對防疫就無乜點下功夫，唯有食客自行執生。餐廳嘅名改得好吊詭，唔叫快餐店，亦唔叫茶餐廳，入到去格局似茶記，但就要出番門口收銀度落單（收銀會問你坐邊度），卻喺由侍應送上食物，可能喺咁嘅運作模式，就叫快餐廳吧！
餐具、紙巾、基本調味就放晒晌枱上，自由取用。不過，個人睇法，正常情況就無太大問題，但遇着疫情嘅日子，客人又會高談闊論，啲餐具擺得咁「開放」，無遮又無掩，就只好自己搞番好啲衛生。
下午餐餐，一個大餐牌楝晌門口，一眼睇晒，而供應時間都相對長，2:00pm-6:00pm，平平哋有啲麵包餐、小食餐，貴嘅就有啲炒粉麵餐。最後，小弟決定揀個沙嗲牛肉包餐，賣$30，純粹墊一墊肚。
沙嗲牛肉包沙嗲牛肉可稱得上喺茶記嘅必有款式，不論早餐，抑或常餐，都有其踪影。睇相就見，沙嗲牛肉落得一啲都無手緊，塞得個包滿滿，而牛肉軟腍，沙嗲亦調校得惹味，包身亦夠晒鬆軟。挑剔位就喺沙嗲汁醬偏多，易整濕個包心，此外，個包烘番熱就更好啦。
熱奶茶嚟茶記嘅餐飲必然之選，一般嚟講，晌茶記嘅奶茶一向衰極有個譜，喺幾穩陣之選。眼前呢杯奶茶又點呢？茶底頗醇香，茶、奶比例亦啱啱好，幼滑度就一般啦，算喺一杯唔差嘅奶茶。
同啲弟兄行吓山，出身汗之餘，邊行邊傾偈，喺幾身心有益、輕鬆愉快嘅活動。出完汗，涼涼冷氣，嘆個下午茶（尤其志在聚一聚，對個下午茶無咩耍求），又喺另一種放鬆心情嘅好（社交）活動。最後，順便睇番間餐廳嘅食評，原來都幾多負評，小弟簡簡單單揀咗款沙嗲牛肉包餐，喺咪算喺好彩呢！
張貼
