Explorer Fusion Restaurant (已結業)

繼續係石門搵食。呢間餐廳主要係食 fusion 菜，午市套餐有兩大類（日式、西餐）。今日想清清哋，揀咗日式嘅丼。Explorer 豐盛丼（$88）轉套餐（+$20）套餐包麵豉湯（普通，勝在多昆布）、茶碗蒸蛋（滑，但蛋味不足）、小食（螺肉，正常）、餐飲（烏龍茶、雜果茶、汽水，其他加錢）。主菜都有幾多料（蝦、帶子、八爪魚、象拔蚌、三文魚子、三文魚腩、燒吞拿魚、醋鯖魚、吞拿魚蓉、醃蘿蔔、醃荀、子薑），各種刺身類都叫新鮮，味道可以。丼飯並不是普通的壽司醋飯，係有醬汁的米飯，味道不錯。PS：另收加一，只收現金。