影片
更多
2019-05-18
460 瀏覽
一路都覺得佢地好食，所以都會一個月食一次，今晚去食諗住都係叫返壹重當同3國海膽飯，去到個位女士（不知是否係老闆娘）就話無3國海膽飯，起初以為係無貨，再追問佢就晦氣地話，係唔做3國海膽飯呀！因爲我地已經有好多款嘢食，但其實望返餐牌又唔覺有多到，同以前一樣，好似問多句都唔得咁！之後都叫咗日本海膽飯，個飯嚟到啲海膽正常係鋪滿個碗面，但今晚只鋪得半碗，另外用一塊紫蘇葉遮住餘下半碗飯，即係得好少海膽。另外個壹重當，以前不嬲有食開，就係覺得好食先再食，點知啲料又係縮晒水，三文魚籽得幾粒，個拖羅以前好厚身，有入口即溶感覺，點知今次好像牛肉薄切咁，又細塊又薄又唔香，其他魚生片亦都無以前咁鮮味。好希望今晚係個別事件，真心希望可以變返以前的水準，唔好再令食客失望。如繼續落去只會越嚟越少人去食。今晚食得真係唔開心！
張貼