本延鍋物

營業中

休息中

想食壽喜燒，但媽咪唔鍾意壽喜燒嘅甜，揀咗呢間有得揀湯底嘅店試下😝門面行日式極簡主義，白雪雪，入面座位都好闊落好舒服。食一人一鍋最怕有位擺鍋，冇位擺野食🥲晚餐有幾個價錢揀，食得壽喜燒，要食最貴嘅牛🐮試下，見隔離枱啲牛好靚😂另外仲有得散嗌，都唔算貴一人一鍋，我食壽喜燒，媽咪揀咗昆布湯，各有各食😋 仲可以自由較火力大細套餐，除咗有蔬菜拼盤，仲有份豆腐、蝦滑同埋烏冬，好豐富媽咪去到最後仲有個自己創作嘅隱藏食法，就係昆布湯撈飯！佢一直都冇再加湯，變成超濃縮精華！兩款牛油花分佈平均，唔會話太肥，好重牛味！份量唔少，好抵食！和牛10幾秒就熟，千祈唔好煮太耐！加埋日本蛋，令塊牛肉更加滑，好正呀！仲可以落日本芝麻醬，但我個人就覺得好夠味了！最後呢甜品作結，係綠茶蕨餅，綠茶味唔算重，但麻薯勝在夠凍同煙韌。總括嚟講呢間嘢性價比幾高，和牛份量一啲都唔孤寒，一人一鍋啱啱好。