8鍋臭臭鍋 (金巴利道) (已結業)

星期日中午去咗尖沙咀美麗華商場行街， 然後行去金巴利道一帶搵食， 我和同行友人都想食火鍋， 然後見到有一間一人一鍋嘅餐廳， 見餐牌都幾多湯底選擇， 入咗去試下。麻辣臭豆腐有街邊嘅臭豆腐嘅臭味， 但係佢唔係炸嘅， 相對之下冇咁熱氣， 臭豆腐索曬麻辣汁， 鍾意食臭豆腐嘅朋友可以多個選擇。羊肉片初時驚唔夠食， 所以叫火鍋時， 要多一份羊肉片， 唔會砌得好薄，有咬口 ，幾有羊味，冇騷味。台式麻辣鍋初時睇餐牌嘅時候以為份量唔會好多， 但食落嘅時候發覺好似食極都食唔完咁， 好多材料， 啱曬我呢啲唔係點想揀嘅人，一鍋食曬咁多材料， 我揀咗中辣， 但係辣嘅程度唔算勁， 食得辣嘅朋友可以揀大辣， 味道方面麻辣嘅程度唔算好高， 偏向香辣較多， 幾惹味。跟餐滷肉飯滷肉飯係用五花腩切成細條肉條煮成， 五花腩夠曬冧， 入曬滷水味。藥膳羊肉鍋藥膳鍋個湯底都幾重藥材味， 當歸味最出， 同樣配料都有好多，尤其係有米血糕同玉子豆腐呢啲一般火鍋都好少食到嘅配料