煮道 (已結業)

趁尚有寒意，特意放工同同事近近地食一人一鍋，之前係別家食過相類似既火鍋，每個鍋都跟一碗白飯，本身鍋中配料份量已經好多，再每人一個飯其實非常飽肚，今次黎左依間嚐一嚐門外已有大大個機器人站係度，店內都以工業風格調為主，燈光唔算光猛，但有種復古感覺餐牌上有多種湯底口味選擇，我同同事各點左不同味道，可以一齊分享食<<星級精選鍋-安格斯牛肉配四川麻辣湯底>>依個麻辣湯底用四川頂級香料餚製而成，湯底食落有少少辣，而且麻度控制得剛剛好，只有舌尖感到有點麻痺，食得出廚師用心反覆調製過。安格斯牛肉口感好爽口，脂肪分佈平均，口腔內散發住陣陣麻辣味，簡直係享受，除左牛肉，鍋內仲有雲耳、菇、蜂巢豆腐同不同種類既丸等等配料，湯頭辣辣地配埋飯食好開胃<<環球海鮮鍋配蕃茄湯底>>湯底用左新鮮蕃茄，味道比較清甜，火鍋料有紐西蘭青口、廣島蠔、美國帶子、越南大虎蝦，每款都好大隻同幾新鮮，兩個鍋既配料都大同小異，值得一提係每種丸同個餡都好夾，帶俾我意想唔到既驚喜，例如牛丸餡中有薑味，食完火鍋配料後，再食埋吸晒成個蕃茄海鮮湯精華既紅薯粉，為呢餐畫上一個完美既句號