8鍋臭臭鍋 (金巴利道) (已結業)

好肚餓，八點幾先收工嚟到，門口有個電腦攞籌機，方便唔使爭。地方都幾大，好多座位，枱枱都一人一鍋，但無焗束，無大煙。一坐底就叫咗嘢飲順下條氣先，蘋果紅茶唔會太甜，茶同蘋果味平衡，冰涼入心。見到隔離枱啲煱都幾大個，所以只係點咗一個小食，麻辣鴨血。好好食，勁入味，又有口感，爽爽彈牙，少少辣唔會食唔到。鍋未到仲試埋四款汁醬，蒜蓉同有個類似XO醬係我最鐘意我嘅招牌臭臭鍋，湯底清而帶小小酸，醒胃，料多到好似尋寶。當中貢丸，蜆仲有臭豆腐我都好鐘意。朋友的蕃茄鍋，酸甜濃郁，都好好食。跟鍋可選粉絲或飯，中國人點都要食口飯先覺得完滿。