影片
更多
2018-12-20
415 瀏覽
天氣轉涼，打邊爐就岩曬啦。好似我今日噤，同朋友兩個人，真係好想打邊爐🤤但係兩個人去食一大鍋散叫餸又好似叫唔到多款野食。於是上網揾下有咩一人火鍋。一揾就揾左間好野😍一定要大大力share就係呢一間新森林一人鍋黎講佢提供既選擇真係好多，我同朋友揀左好耐😂最後我地既共識係:唔好重覆，咩都要試下呢到員工好有親切感,又有禮貌,唔洗等好耐, 就有野食啦~ 煮左一陣,終於都滾啦,見到D蒸氣都暖粒粒朋友嗌左：鮮甜椰子雞湯做湯底，無論加幾多次湯椰子味都極濃! (最後真係湯我地都飲)而且真係有多椰肉嫁係呀...你無睇錯....都係$68炸。主食方面我地一個叫左牛,一個叫左雞肉。而朋友係配料就選擇左:至愛午餐肉﹑豚肉餃子﹑金姑粟米+白飯<--- 好痴線佢真係食得晒(而且我地重追加左食物)我嗌左：墨汁海皇湯底,係呢到既推介唔好睇佢黑蚊蚊咁,真係凡事唔好睇表面,點估到佢咁甜嫁~佢係我食火鍋之中數一數二特別既口味。因為朋友叫左一個鍋, 所以我呢個係追加鍋,價錢都係$38蚊, 真係好誇張最誇張係,佢平得黎係食物既質素超越佢既價錢水平。岩晒想平平地又食得飽又想打邊爐既我地配料就選擇左:自家魚片頭﹑准山竹春卷﹑
一人鍋黎講佢提供既選擇真係好多，我同朋友揀左好耐😂最後我地既共識係:唔好重覆，咩都要試下
呢到員工好有親切感,又有禮貌,唔洗等好耐, 就有野食啦~ 煮左一陣,終於都滾啦,見到D蒸氣都暖粒粒
朋友嗌左：鮮甜椰子雞湯做湯底，無論加幾多次湯椰子味都極濃! (最後真係湯我地都飲)而且真係有多椰肉嫁係呀...你無睇錯....都係$68炸。主食方面我地一個叫左牛,一個叫左雞肉。而朋友係配料就選擇左:至愛午餐肉﹑豚肉餃子﹑金姑粟米+白飯<--- 好痴線佢真係食得晒(而且我地重追加左食物)
我嗌左：墨汁海皇湯底,係呢到既推介唔好睇佢黑蚊蚊咁,真係凡事唔好睇表面,點估到佢咁甜嫁~佢係我食火鍋之中數一數二特別既口味。因為朋友叫左一個鍋, 所以我呢個係追加鍋,價錢都係$38蚊, 真係好誇張最誇張係,佢平得黎係食物既質素超越佢既價錢水平。岩晒想平平地又食得飽又想打邊爐既我地配料就選擇左:自家魚片頭﹑准山竹春卷﹑玉子豆腐+韓國粉絲。拿如果我地唔計追加, 呢到2個人咁多野食都係$68+$38
我地追加既食物有: $12鮮味海蜆﹑$12麻辣海蜆﹑$28雙倍肥牛兩份﹑$18韓國蠔兩份﹑$24走雞雞兩份
樣樣都超大份,價錢又平,食物味道有質素
肥牛超大一塊,如果你鐘意係肥牛,追加係值得嫁!!!
只要湯底好, 其實好多野都好好食, 朋友再一心心愛係個午餐肉,佢話佢最鐘意係呢一種唔係到到有既午餐肉。我問佢有咩特別,佢話因為係有粒粒火腿肉係入面
肥牛真係無得彈,出面D連鎖店, 加肥牛得果3塊, 而呢一個只需要加$28就有雙倍肥牛真係肥瘦合宜,有D重好肥美~
佢既飲品圖都相當吸引，雖然唔係實物圖，但好似日本甜品鋪menu噤吸引！而最驚喜係，佢係同相中賣相98%相似，而味道係唔糖精，配料好多😻又有芒果🥭﹑又有果籽﹑椰囝﹑菠蘿等... 跟餐都係+8, 追加鍋就收正價都係$20姐
總括黎講無論湯底、主食、配料、面飯、追加、飲品,全部都選擇多,而且可以由我地自己自由配搭，相對大XX等快餐店,新森林一人鍋真係價廉物美得多。下次我想試埋佢既焗飯!!!
張貼
